'అర్జున్‌ రెడ్డి' బేబీకి బంపర్‌ ఆఫర్‌

విజయ్‌ దేవరకొండ 'అర్జున్‌ రెడ్డి' చిత్రంలో హీరోయిన్‌ గా నటించిన మొదటి సినిమాతోనే టాలీవుడ్‌ లో స్టార్‌ స్టేటస్‌ ను దక్కించుకున్న ముద్దుగుమ్మ షాలిని తెలుగులో మాత్రం మంచి ఆఫర్లను దక్కించుకోలేక పోతుంది. చిన్న పాత్రలు, సెకండ్‌ హీరోయిన్‌ పాత్రలే ఈమెకు దిక్కవుతున్నాయి. తమిళంలో '100% లవ్‌' చిత్ర రీమేక్‌ '100% కాదల్‌' చిత్రంలో నటిస్తోంది. షాలిని దక్కిన పెద్ద ఆఫర్‌ ఇప్పటి వరకు అదే. మంచి ఆఫర్స్‌ కోసం ఎదురు చూస్తున్న ముద్దుగుమ్మ షాలిని పాండేకు బాలీవుడ్‌ లో మంచి ఆఫర్‌ దక్కింది.

ప్రస్తుతం కళ్యాణ్‌ రామ్‌ నటిస్తున్న '118' చిత్రంలో షాలిని పాండే ఒక హీరోయిన్‌ గా నటిస్తుంది. చిన్నా పెద్ద అనే తేడా లేకుండా మూడు నాలుగు సినిమాలు చేస్తున్న షాలిని పాండే తాజాగా బాలీవుడ్‌ లో పరేష్‌ రావల్‌ కుమారు ఆధిత్య హీరోగా పరిచయం కాబోతున్న 'బాంఫాడ్‌' చిత్రంలో హీరోయిన్‌ గా ఎంపిక అయ్యింది. ప్రముఖ దర్శకుడు అనురాగ్‌ కశ్యప్‌ ఈ చిత్రాన్ని నిర్మిస్తున్న కారణంగా అంచనాలు భారీగా ఉన్నాయి.

బాలీవుడ్‌ ప్రేక్షకుల్లో అనురాగ్‌ కశ్యప్‌ సినిమాలకు మంచి పేరుంది. ఆయన దర్శకత్వంలో సినిమా వచ్చినా, ఆయన నిర్మాణంలో సినిమా వచ్చినా కూడా అది మంచి కమర్షియల్‌ సినిమా అవుతుందని అందరి నమ్మకం. ఆ నమ్మకం కారణంగా షాలిని పాండే బాలీవుడ్‌ లో మంచి విజయంతో ఎంట్రీ ఇచ్చే అవకాశం ఉందని సినీ వర్గాల వారు అంటున్నారు. టాలీవుడ్‌, కోలీవుడ్‌ లతో పాటు బాలీవుడ్‌ లో కూడా ఈమె ఆకట్టుకుంటుందేమో చూడాలి.