ఆ సెటైర్లపై పవన్ టీమ్ క్లారిటీ ఇచ్చారు

ఎంతసేపూ పవన్ కళ్యాణ్‌ కాళ్లను వెనుక నుండి.. అలాగే పవన్ కళ్యాణ్‌ కాళ్లను ముందు నుండి.. అలాగే పవన్ కళ్యాణ్ కాళ్లను.. ఇలా ఎన్ని పోస్టర్లను రిలీజ్ చేసుకుంటూ పోతారు? అందుకే ''కాటమరాయుడు'' సినిమా హ్యాపీ న్యూ ఇయర్ అంటూ సెకండ్ పోస్టర్ రావడంతో.. అందరూ కాస్త షాకయ్యారు. మళ్ళీ కాళ్లనే చూపిస్తారేంటి రాజా అంటూ సెటైర్లు వేశారు. దీనిపై ఎక్సప్లెనేషన్ ఇచ్చే పనిలో పడ్డాడు నిర్మాత శరత్ మరార్.

ఇప్పుడు.. కాటమరాయుడు సినిమాలో.. పంచెకట్టు అనేది చాలా ముఖ్యమైన లుక్. అందుకే ఆ లుక్కును జనాల్లోకి తీసుకెళ్ళాలని ఇలా విడతల వారీగా ఈ పోస్టర్లను రిలీజ్ చేస్తున్నాం. గతంలో ఆల్రెడీ పవన్ అండ్ శృతి ఫుల్ లుక్ పోస్టర్లను.. దీపాలు వెలిగిస్తున్న ఫోటోను.. రిలీజ్ చేసేశాం కదా.. ఇప్పుడు కొత్తగా పవన్ లుక్ ను దాచేసేది ఏముంటుంది. ఈ పంచె కట్టులో పవన్ ఎలా ఉంటాడనేది 30వ తారీఖున మీరు చూడొచ్చు.. అంటూ చెప్పుకొచ్చాడు ఈ నిర్మాత.

అంటే పవన్ ను పంచెకట్టులో చూడటం ఇదేం కొత్తకాదుగా.. ఆల్రెడీ గబ్బర్ సింగ్ సినిమాలో చూశాం.. ఈ మద్యన రెండు మూడు సార్లు బయట కూడా చూస్తున్నాం. ఆ లుక్ ను మరీ అంత హైడ్ చేసి రివీల్ చేయాల్సినంత అవసరం లేదేమో. స్ర్టయిట్ గా ఒక పోస్టర్ ఇచ్చేసినా బాగుండేది.

Like Us on Facebook : https://www.facebook.com/Tupakidotcom/