శర్వా వెరీ షార్పు!

కథల ఎంపికలో విలక్షణత చూపిస్తూ నిదానమే ప్రధానం సూత్రాన్ని పాటించే హీరో శర్వానంద్ కొత్త సినిమా పడి పడి లేచే మనసు డిసెంబర్ విడుదలకు ముస్తాబు అవుతోంది. ఇప్పటికే విడుదలైన టీజర్ తో పాటు ఫస్ట్ ఆడియో సింగల్ కు మంచి రెస్పాన్స్ రావడంతో టీమ్ ఫుల్ హ్యాపీగా ఉంది. ఈ సందర్భంగా మీడియాతో ఇంటరాక్ట్ అవుతున్న శర్వానంద్ పలు ఆసక్తికరమైన విషయాలు షేర్ చేసుకున్నాడు. ముఖ్యంగా ఈ తరం యూత్ హీరోలు కథల విషయంలో స్క్రిప్ట్ రూపకల్పనలో అవసరానికి మించి తల దూరుస్తున్నారన్న కామెంట్ కు స్పందించాడు.

తన వరకు సినిమా వన్ మ్యాన్ షో అంటే అని నమ్మనని ప్రతి విషయంలో జాగ్రత్త తీసుకుంటూ సినిమా ఎలా వస్తోంది అని చెక్ చేసుకునే బాధ్యత హీరోకు కూడా ఉంటుందని అందుకే అనుకున్న రీతిలో అవుట్ ఫుట్ రానప్పుడు దర్శకుడికి చెప్పేందుకు మొహమాటపడనని చెప్పిన శర్వా సినిమా రూపొందే విషయంలో ఎంత శ్రద్ధ తీసుకుంటాడో బయట పెట్టాడు. శర్వానంద్ సినిమా వచ్చి ఏడాది దాటేసింది. పోయిన సంవత్సరం సెప్టెంబర్ లో వచ్చిన మహానుభావుడు మంచి విజయాన్ని సొంతం చేసుకున్నా కొత్త ప్రాజెక్ట్ కు కథ విషయంలో రాజీ పడలేకే ఇంత టైం ఖర్చు పెట్టాడు. దర్శకుడు హను రాఘవపూడి చెప్పిన లైన్ నచ్చడంతో పడి పడి లేచే మనసు సెట్స్ పైకి వెళ్ళింది.

దీంతోపాటు సుధీర్ వర్మ దర్శకత్వంలో మరో మూవీ చేస్తున్న శర్వా వీటి తర్వాత చేయబోయే దాని గురించి మాత్రం అప్ డేట్ ఇవ్వడం లేదు. సుధీర్ వర్మ సినిమాకు విరాట పర్వం అనే టైటిల్ ప్రచారం లో ఉంది. పడి పడి లేచే మనసు విడుదల అయ్యాక దానికి సంబందించిన క్లారిటీ వస్తుంది. మొత్తానికి సినిమా జయాపజయాలకు హీరోలు కూడా బాధ్యులని చెబుతున్న శర్వా స్క్రిప్ట్ ప్లస్ మేకింగ్ విషయంలో ఇన్వాల్వ్ అవుతున్నాడు కాబట్టే తెలివిగా సక్సెస్ లు కొడుతున్నాడేమో