శృతి అందం.. మిస్సవుతున్నాం

అందంతో పాటు టాలెంట్ ఉండాలే గాని టాలీవుడ్ లో ఏ హీరోయిన్ అడుగుపెట్టినా మినిమామ్ ఓ ఐదేళ్ల వరకు నాన్ స్టాప్ గా సినిమాలు చేస్తూనే ఉంటారు. అందానికి నటన తోడైతే ఎంత మంది కుర్ర హీరోయిన్స్ పోటీగా వచ్చినా కూడా పోటీ ఉండదు. ప్రస్తుతం ఆ తరహాలో చాలా మంది తెలుగు ఇండస్ట్రీలో ఉన్నారని ప్రత్యేకంగా చెప్పనక్కర్లేదు. ఇకపోతే ఆ తరహాలో గత ఏడాది వరకు బాగా ఆకట్టుకున్న బ్యూటీ శ్రుతి హసన్. దాదాపు టాలీవుడ్ స్టార్ హీరోలను కవర్ చేసిన ఈ బ్యూటీ ఈ మధ్య కనిపించడం లేదు.

చివరగా పవర్ స్టార్ పవన్ కళ్యాణ్ - కాటమరాయుడు సినిమాలో కనిపించింది. ఆ తరువాత రెండు భారీ ప్రాజెక్టులల్లో అవకాశాలు దక్కినట్లు వార్తలు వచ్చినా కూడా అవి రూమర్స్ అని తేలిపోయాయి. ఈ బ్యూటీ మొదట ఐరెన్ లెగ్ అనే నెగిటివ్ టాక్ ను తెచ్చుకున్నా కూడా ఆ తరువాత గబ్బర్ సింగ్ నుంచి లక్కీ గర్ల్ అని పేరు తెచ్చుకుంది. శ్రుతిహాసన్ ని తెలుగు స్క్రీన్ పై చూసి దాదాపు ఏడాది కావొస్తోంది. ఎదో పనుల మీద ఇక్కడి ఎయిర్ పోర్ట్ లలో దర్శనం ఇస్తోంది కానీ సిల్వర్ స్క్రీన్ పై మాత్రం కనిపించడం లేదు.

దీంతో ఆమె టాలీవుడ్ అందం అంతా ఎయిర్ పోర్ట్ కే పరిమితం అయ్యింది అనేట్లు కామెంట్స్ చేస్తున్నారు. ప్రస్తుతం శృతికి సంబంధించిన కొన్ని ఫొటోస్ సోషల్ మీడియాలో వైరల్ అయ్యాయి. మరి అమ్మడు తెలుగుతెరపై ఎప్పుడు కనిపిస్తుందో చూడాలి. ప్రస్తుతానికైతే తన తండ్రి కమల్ హాసన్ తెరకెక్కిస్తోన్న శభాష్ నాయుడు అనే సినిమాలో నటిస్తోంది. ఆ సినిమా తెలుగు - తమిళ్ మరియు హిందీ భాషల్లో విడుదల కానుంది.