టాలీవుడ్ స్టార్ హీరోయిన్ల‌కు ఫ్యాన్ ఫాలోయింగ్ ఎక్కువ. కొంత‌మంది అభిమానులు..... హీరోయిన్ల‌ను ఆన్ స్క్రీన్ తో పాటు ఆఫ్ స్క్రీన్ లో ద‌గ్గ‌ర నుంచి చూడాల‌నుకుంటారు. అందుకే, ఏద‌న్నా షాప్ ఓపెనింగ్ ల‌కు హీరోయిన్లు వ‌స్తున్నారంటే అక్క‌డ అభిమానుల సంద‌డి మొద‌ల‌వుతుంది. అయితే, కొన్ని సార్లు ఈ అభిమానం హ‌ద్దులు దాటుతోంది. అభిమానుల వంక‌తో కొంద‌రు ఆక‌తాయిలు హీరోయిన్ల‌తో అస‌భ్యంగా ప్ర‌వ‌ర్తిస్తున్నారు. గ‌తంలో కూడా ఓ షాప్ ప్రారంభోత్సవానికి వెళ్లిన టాలీవుడ్ హీరోయిన్ ను ఓ వ్య‌క్తి అస‌భ్య‌క‌రంగా తాకాడు. తాజాగా, తమన్నాకు కూడా ఇటువంటి చేదు అనుభ‌వ‌మే ఎదురైంది. హైద‌రాబాద్ లోని నారాయణగూడలో ఉన్న మలబార్ జ్యూవెలర్స్ షోరూం ప్రారంభోత్సవానికి వెళ్లిన తమన్నాపై ఓ ఆకతాయి బూటు విసిరాడు. అయితే, ఆ చెప్పు త‌మ‌న్నాను తాక‌కుండా ప‌క్క‌నే ఉన్న మలబార్ సేల్స్‌మెన్ కు తగిలింది.
ఆ షాపు య‌జ‌మానులు, కొంత‌మందితో క‌లిసి త‌మ‌న్నా సెల్ఫీలు దిగుతుండగా ఈ ఘ‌ట‌న జ‌రిగింది. ఈ ఘ‌ట‌న విజువ‌ల్స్ సీసీటీవీ కెమెరాలో రికార్డ‌య్యాయి. వెంట‌నే పోలీసులు నిందితుడిని అదుపులోకి తీసుకున్నారు. జ‌నం మ‌ధ్య‌లో ఉన్న కరీముల్లా అనే యువకుడు ఈ ఘ‌ట‌న‌కు పాల్ప‌డ్డాడ‌ని పోలీసులు గుర్తించారు. అత‌డిని అదుపులోకి తీసుకుని విచార‌ణ జ‌రిపారు. తాను తమన్నాకు వీరాభిమానని, ఆమె నటించిన అన్ని సినిమాలు చూస్తానని తెలిపాడు. అయితే, కొంత‌కాలంగా త‌మ‌న్నా తెలుగు సినిమాల్లో నటించడంలేదనే కోపంతో ఈ ప‌ని చేశాన‌ని పోలీసుల‌కు చెప్పాడు. కావాల‌ని అలా చేయ‌లేద‌ని, క్ష‌ణికావేశంలోనే బూటు విసిరాన‌ని ఆ యువకుడు తెలిపాడు.
Full View
ఆ షాపు య‌జ‌మానులు, కొంత‌మందితో క‌లిసి త‌మ‌న్నా సెల్ఫీలు దిగుతుండగా ఈ ఘ‌ట‌న జ‌రిగింది. ఈ ఘ‌ట‌న విజువ‌ల్స్ సీసీటీవీ కెమెరాలో రికార్డ‌య్యాయి. వెంట‌నే పోలీసులు నిందితుడిని అదుపులోకి తీసుకున్నారు. జ‌నం మ‌ధ్య‌లో ఉన్న కరీముల్లా అనే యువకుడు ఈ ఘ‌ట‌న‌కు పాల్ప‌డ్డాడ‌ని పోలీసులు గుర్తించారు. అత‌డిని అదుపులోకి తీసుకుని విచార‌ణ జ‌రిపారు. తాను తమన్నాకు వీరాభిమానని, ఆమె నటించిన అన్ని సినిమాలు చూస్తానని తెలిపాడు. అయితే, కొంత‌కాలంగా త‌మ‌న్నా తెలుగు సినిమాల్లో నటించడంలేదనే కోపంతో ఈ ప‌ని చేశాన‌ని పోలీసుల‌కు చెప్పాడు. కావాల‌ని అలా చేయ‌లేద‌ని, క్ష‌ణికావేశంలోనే బూటు విసిరాన‌ని ఆ యువకుడు తెలిపాడు.