మ‌న‌మ్మాయ్ బ‌యోపిక్‌ కు ఆ 'విల‌నే' నిర్మాత‌!

ఇప్పుడు బ‌యోపిక్ ల కాలం న‌డుస్తోంది. ఈ సినిమాలకు ప్రేక్ష‌కాద‌ర‌ణ బాగుండ‌టంతో.. ప‌లువురి ప్ర‌ముఖుల బ‌యోపిక్ ల‌ను సినిమాలుగా రూపొందించే ప‌నిలో ప‌డ్డారు.జాతీయ‌స్థాయిలో ప‌లువురి ప్ర‌ముఖుల బ‌యోపిక్‌ లు ఒక‌టి త‌ర్వాత ఒక‌టిగా విడుద‌ల‌వుతున్నాయి. ఇదిలా ఉంటే.. తాజాగా తెలుగుతేజం.. మ‌న తెలుగ‌మ్మాయ్‌.. ఒలింపిక్ ర‌జ‌త ప‌త‌క విజేత పీవీ సింధు లైఫ్ స్టోరీని బ‌యోపిక్‌ గా తీసే ప్ర‌య‌త్నాలు షురూ అయ్యాయి.

సింధు బ‌యోపిక్ ను తీయ‌టానికి బాలీవుడ్‌.. టాలీవుడ్‌.. కోలీవుడ్.. చిత్రాల్లో విల‌న్ గా న‌టించిన సోనూసూద్ ఈ చిత్రానికి నిర్మాత‌గా వ్య‌వ‌హ‌రిస్తూ ఉండ‌టం విశేషం. సింధు జీవిత‌చ‌రిత్ర‌ను అంద‌రూ తెలుసుకోవాల్సిన అవ‌స‌రం ఉందంటున్న సోనూ.. ఎనిమిది నెల‌లుగా ఈ చిత్రం గురించి చ‌ర్చిస్తున్న‌ట్లుగా చెప్పుకొచ్చారు. త్వ‌ర‌లో ఈ చిత్రంలో న‌టించే న‌టీన‌టులను ప్ర‌క‌టిస్తామ‌ని ఆయ‌న చెబుతున్నారు. ఇదిలా ఉంటే.. మ‌రో హైద‌రాబాదీ బ్యాడ్మింట‌న్ క్రీడాకారిణి సైనానెహ్వాల్ బ‌యోపిక్ కూడా తెర‌కెక్క‌నుంది. సైనా పాత్ర‌ను రీల్ లైఫ్‌లో బాలీవుడ్ న‌టి శ్ర‌ద్ధాక‌పూర్ న‌టిస్తోంది. మ‌రి.. సింధు పాత్ర‌ను ఎవ‌రు న‌టిస్తారో చూడాలి.

Like Us on Facebook : https://www.facebook.com/Tupakidotcom/