మాజీ క్రికెటర్ తో శ్రీదేవి డాన్సులు

మాజీ హీరోయిన్ శ్రీదేవి తాజా సినిమా ‘మామ్’  జూలై 7 నాడు విడుదలకాబోతుంది. ఈ సినిమా ప్రమోషన్ కోసం అన్ని ఇండస్ట్రిలుకు వెళ్ళి శ్రీదేవి బాగానే ప్రచారం చేస్తోంది. మామ్ సినిమా హిందీ సినిమా అయినా శ్రీదేవి కి సౌత్ లో మంచి పేరు ఉండటంతో తెలుగు - తమిళ్ - మలయాళం లో కూడా విడుదల చేస్తున్నారు. అయితే ప్రమోషన్లు కోసం ప్రెస్ మీట్లు పెట్టడం రియాలిటీ షో కి వెళ్ళడం లేదా ఏమైనా టాక్ షో లలో పాల్గొనడం మామూలేగా. అందుకే ఇప్పుడు కోలకతా వెళ్ళింది ఈ సీనియర్ స్టార్.

సౌరవ్‌ గంగూలీ క్రికెట్ నుండి వెళ్లిపోయాక మీడియాకు దూరంగా ఉన్నా ఇప్పుడు మళ్ళీ ఒక బెంగాల్ టి‌వి చానెల్ లో ‘దాదాగిరి’అనే ఒక షో హోస్ట్ చేస్తున్నాడు . ఈ షో కి ‘మామ్’ సినిమా ప్రచారం కోసం శ్రీదేవి వెళ్తోంది. ఈ సందర్భంగా శ్రీదేవి దాదా సౌరవ్‌ గంగూలీ తో కలిసి డాన్స్ చేసినట్లు తెలుస్తోంది. ఈ ఎపిసోడ్ కూడా షూటింగ్ పూర్తి చేశారట. ఈ షో కి సినిమా స్టార్స్ రావడం ఇదే మొదటసారి. శ్రీదేవి రావడంతో అభిమానులు ఎక్కువగా వస్తారు ఏమోనని షూటింగ్ స్పాట్లో సెక్యూరిటి పెంచారుట. దానితో పాటుగా సెట్లోకి చిన్నారులు తప్పితే మిగిలిన వాళ్ళని అనుమతించలేదు.

మన దేశ ఆడవాళ్ళ ఎదుర్కుంటున్న సమస్యలు పై వచ్చిన క్వీన్ - పింక్ లాంటి కథలు బాలీవుడ్ లో బాగానే ఆదరణ చొరగొన్నాయి. మామ్ కూడా ఇప్పటి తరం అమ్మాయికి వాళ్ళ అమ్మకి మధ్య ప్రేమ గురించి, తన కూతురుకు జరిగే అన్యాయం కోసం ఒక తల్లి ఎలా పోరాటం చేసింది అనే కథతో ఆసక్తి ఉంటుందని టాక్. సినిమా ఎటువంటి ఫలితాలు ఇస్తుందో మరొక వారంలో తెలుస్తుంది.  ​

Like Us on Facebook : https://www.facebook.com/Tupakidotcom/