అల‌.. ఫైట్స్ యూనిక్ స్టైల్ తోనా?

స్టైలిష్ స్టార్ అల్లు అర్జున్ - త్రివిక్ర‌మ్ కాంబినేష‌న్ మూవీ అల వైకుంఠ‌పుర‌ములో చిత్రీక‌ర‌ణ శ‌ర‌వేగంగా పూర్త‌వుతున్న సంగ‌తి తెలిసిందే. సంక్రాంతి కానుక‌గా జ‌న‌వ‌రి 12న ఈ చిత్రం రిలీజ్ కానుంది. ఇటీవ‌లే ద‌స‌రా దీపావ‌ళి పోస్ట‌ర్లు ఫ్యాన్స్ లోకి దూసుకెళ్లాయి. ఇప్ప‌టికే రెండు సింగిల్స్ ని రిలీజ్ చేస్తే స్పందన బావుంది. సామ‌జ‌వ‌ర గ‌మ‌న సాంగ్ ఇప్ప‌టికే 10 కోట్ల వ్యూస్ ని సొంతం చేసుకుంది.

ఇక ఈ సినిమాకి సంబంధించిన చిత్రీక‌ర‌ణ ఎంత‌వ‌ర‌కూ వ‌చ్చింది? అంటే.. ప్ర‌స్తుతం ఫ్రాన్స్ లో ఉంది టీమ్. అక్క‌డ కొన్ని యాక్ష‌న్ ఎపిసోడ్స్ .. అలాగే రొమాంటిక్ సాంగ్ షూట్ చేస్తున్నార‌ట‌. బ‌న్నిపై భారీ యాక్ష‌న్ ఎపిసోడ్స్ ని చిత్రీక‌రిస్తున్నార‌ని తెలుస్తోంది. ఇక ఈ చిత్రంలో త‌మిళ స్టార్ హీరో విజ‌య్ సేతుప‌తి విల‌న్ గా న‌టిస్తున్నారు కాబ‌ట్టి బ‌న్ని- సేతుప‌తి మ‌ధ్య ఎపిసోడ్స్ ర‌క్తి క‌ట్టించ‌నున్నాయ‌ని తెలుస్తోంది.

ఇక అల్లు అర్జున్ - త్రివిక్ర‌మ్ కాంబినేష‌న్ మూవీ అంటే రొమాన్స్ కామెడీతో పాటు యాక్ష‌న్ కి కొద‌వేమీ ఉండ‌దు. ఇంత‌కుముందు జులాయి చిత్రంలో పూర్తి స్థాయి యాక్ష‌న్ ని ఎలివేట్ చేశారు. స‌న్నాఫ్ స‌త్య‌మూర్తి చిత్రంలో సాఫ్ట్ బోయ్ గా క‌నిపించిన బ‌న్ని కొన్ని ఫైట్ల‌తో ఆక‌ట్టుకున్నాడు. ఇప్పుడు అల వైకుంఠ‌పుర‌ములో చిత్రంలో డిఫ‌రెంట్ గెట‌ప్పుల్లో క‌నిపిస్తున్నాడు. మాస్ అప్పియ‌రెన్స్ కూడా ఉంది. అందుకు త‌గ్గ‌ట్టే ఫైట్స్ ఆక‌ట్టుకుంటాయిట‌. మ‌రోవైపు నవంబర్ 7న త్రివిక్రమ్ పుట్టినరోజు సందర్భంగా టీజర్ ను విడుదల చేయాలని టీమ్ ప్లాన్ చేస్తోంద‌ట‌. అలాగే ఈ మూవీ నుంచి మ‌రో పెప్పి నెంబర్ ను ఈ నెలలోనే విడుదల చేయ‌నున్నారు. అల్లు అరవింద్- చినబాబు సంయుక్తంగా నిర్మిస్తున్నారు.