కాక్ టైల్ పార్టీ ఇస్తున్న కామెడీ హీరో

మీడియా జనాలకు కాక్ టైల్ పార్టీలు ఇవ్వడం ఇప్పుడో కల్చర్ అయిపోయింది. సినిమా రిలీజ్ ల ముందే కాకుండా.. మీడియా జనాలను మంచి చేసుకునేందుకు అప్పుడప్పుడు పార్టీలు ఆఫర్ చేస్తున్నారు. ఇప్పుడీ కల్చర్ చిన్న హీరోలకు కూడా బాగానే పాకింది. ఇవాళ రాత్రి కమెడియన్ కం హీరో అయిన శ్రీనివాసరెడ్డి స్టార్ హోటల్ లో భారీ రేంజ్ లో ఓ కాక్ టైల్ పార్టీ ఇస్తున్నాడు.

తన బర్త్ డే సందర్భంగా పార్టీ ఇస్తున్నట్లుగా ఆహ్వానాలు అందాయి. చెప్పడానికి పుట్టిన రోజు అంటున్నా.. నిజానికి ఇదంతా త్వరలో రిలీజ్ కానున్న జయమ్ము నిశ్చయమ్మురా మూవీకోసం అనే సంగతి అర్ధం చేసుకోవచ్చు. వచ్చే శుక్రవారం రిలీజ్ కానున్న ఈ మూవీపై శ్రీనివాసరెడ్డి చాలానే హోప్స్ పెట్టుకున్నాడు. గతంలో తను మేల్ లీడ్ రోల్ చేసిన గీతాంజలి సక్సెస్ కావడంతో.. ఇప్పుడీ సినిమా క్లిక్ అయితే.. ఓ రేంజ్ ఇంపార్టెన్స్ ఉన్న రోల్స్ కు తనను ఎంపిక చేసుకుంటారని ఆశిస్తున్నాడట.

జయమ్ము నిశ్చయమ్మురా మూవీపై ఇండస్ట్రీలో మంచి బజ్ ఉంది. దేశీ కామెడీ అని చేస్తున్న ప్రచారం కూడా బాగానే కలిసొచ్చింది. ఇండస్ట్రీలో కూడా అంచనాలు ఉన్నాయ్ కానీ.. ప్రస్తుతం నెలకొన్న కరెన్సీ కొరత ఏదైనా ఇబ్బంది పెడుతుందేమో అనే అంచనాలున్నాయి. మరి ఈ ఒక్క కష్టాన్ని దాటితే.. జయమ్ము నిశ్చయమే.

Like Us on Facebook : https://www.facebook.com/Tupakidotcom/