బాలీవుడ్ ఎంట్రీ కోసం భాష నేర్చుకుంటున్న స్టార్ హీరోయిన్!

కన్నడ బ్యూటీ రష్మిక మందన జోరు మాములుగా లేదు. ఇటు టాలీవుడ్ ఇండస్ట్రీలో సత్తాచాటిన ఈ భామ అటు కోలీవుడ్, బాలీవుడ్ ఇండస్ట్రీలలో అడుగు పెట్టనున్న సంగతి తెలిసిందే. ఛలో సినిమాతో కెరీర్ ప్రారంభించిన ఈ వయ్యారి ఇప్పుడు ఎవరు ఆపలేనంత వేగంగా దూసుకెళ్తుంది. వరుస హిట్ సినిమాలతో స్టార్ హీరోయిన్ స్టేటస్ సంపాదించుకుంది రష్మిక. ఇప్పటివరకు అన్నీ బబ్లీ క్యారెక్టర్లలో నటించిన రష్మిక త్వరలో పుష్ప సినిమాతో ఓ ఛాలెంజింగ్ పాత్రలో అలరించనుంది. టాలీవుడ్ స్టార్ కాంబినేషన్ అల్లు అర్జున్ - సుకుమార్ ల హ్యాట్రిక్ సినిమాగా పుష్ప రూపొందుతుంది. ఈ సినిమాలో రష్మిక చిత్తూరు అమ్మాయిగా అదే యాస మాట్లాడుతూ కనిపించనుంది. పుష్ప షూటింగ్ దశలో ఉండగానే క్రేజీ బాలీవుడ్ ప్రాజెక్టులను కూడా అమ్మడు క్యూలో పెట్టేసింది.

సిద్దార్థ్ మల్హోత్రా హీరోగా.. డెబ్యూ డైరెక్టర్ శాంతను బాగ్చి దర్శకత్వంలో తెరకెక్కనున్న 'మిషన్ మజ్ను' సినిమాతో రష్మిక బాలీవుడ్ ఎంట్రీ ఇవ్వనుంది. తాజాగా ఈ మూవీ పోస్టర్ కూడా విడుదల చేసింది చిత్రబృందం. స్టార్ ప్రొడ్యూసర్ రోని స్క్రూవాలా నిర్మాతగా నిజజీవిత సంఘటనల ఆధారంగా రూపొందుతున్న మిషన్ మజ్ను సినిమా గురించి అమ్మడు చాలా ఎక్సయిటింగ్ గా ఉందట. ప్రస్తుతం ముంబైలో క్యాంపెయిన్ చేస్తూ హిందీ భాష నేర్చుకుంటుందట. రష్మిక బాలీవుడ్ ఎంట్రీ అనేసరికి అభిమానులలో ఎక్సపెక్టషన్స్ కూడా పెరిగాయి. 'ది అన్ టోల్డ్ స్టోరీ అఫ్ ఇండియస్ గ్రేటెస్ట్ కోవర్ట్ ఆపరేషన్' అనే ట్యాగ్ లైన్ తో ఆసక్తి రేపుతున్నారు మేకర్స్. అయితే పాకిస్తాన్ దేశంలో ఉన్నటువంటి ఇండియన్ రహస్య గూఢచార సంస్థ(RAW) జరిపిన భారీ ఆపరేషన్ చుట్టూ ఈ కథ తిరుగుతుందట. త్వరలోనే ఈ సినిమా సెట్స్ పైకి వెళ్ళనుందని సమాచారం.