ఈసారి హిట్ పడటం ఖాయం

కమెడియన్‌ గా స్టార్‌ స్టేటస్‌ తో స్టార్‌ హీరోల సినిమాలో నటిస్తూ బిజీగా ఉన్న సమయంలో సునీల్‌ హీరోగా సినిమాలు చేయడం మొదలు పెట్టాడు. హీరోగా రెండు మూడు సినిమాలు హిట్‌ అయినా ఆ తర్వాత నుండి బ్యాడ్‌ టైం షురూ అయ్యింది. ఇక హీరోగా కష్టం అనుకున్న సునీల్‌ కమెడియన్‌ గా రీ ఎంట్రీ ఇచ్చాడు. త్రివిక్రమ్‌ దర్శకత్వంలో ఎన్టీఆర్‌ చేసిన 'అరవింద సమేత' చిత్రంతో కమెడియన్‌ గా రీ ఎంట్రీ ఇచ్చాడు. త్రివిక్రమ్‌ మూవీతో రీ ఎంట్రీ అవ్వడం వల్ల సునీల్‌ కమెడియన్‌ గా వెంటనే బిజీ అవుతాడని అంతా భావించారు. కాని అరవింద సమేత సునీల్‌ కు ఏమాత్రం క్రేజ్‌ తీసుకు రాలేక పోయింది. ఆ తర్వాత రెండు మూడు చిన్న పెద్ద సినిమాల్లో నటించినా కూడా అవి కూడా పెద్దగా ప్రభావం చూపించలేదు.

చాలా ప్రయత్నాలు చేస్తున్న సునీల్‌ కు కిషోర్‌ తిరుమల రూపంలో 'చిత్రలహరి' చిత్రం దక్కింది. హీరో పక్కన ఉండే పాత్ర, ఫుల్‌ లెంగ్త్‌ కీలకమైన పాత్ర అవ్వడంతో సునీల్‌ ఈ చిత్రంతో బ్రేక్‌ దక్కించుకోవడం ఖాయం అంటున్నారు. సినిమా ప్రమోషన్‌ లో కూడా సునీల్‌ చాలా క్రియాశీలకంగా వ్యవహరిస్తున్నాడు. కనుక సినిమాలో సునీల్‌ పాత్ర చాలా కీలకంగా ఉంటుందని చెప్పుకోవచ్చు. సునీల్‌ ప్రస్తుతం చాలా విపత్కర పరిస్థితుల్లో ఉన్నాడు. ఇలాంటి సమయంలో చిత్రలహరి సక్సెస్‌ అయ్యి, అందులోని ఈయన పాత్రకు మంచి పేరు వస్తే మళ్లీ టాలీవుడ్‌ లో సునీల్‌ కామెడీ స్టార్ట్‌ అవుతుందని చెప్పుకోవచ్చు.

సినిమా టీజర్‌, ట్రైలర్‌, పాటలు, పోస్టర్‌ లు చూస్తుంటే చిత్రలహరి సినిమా హిట్‌ అయ్యి సునీల్‌ కు బ్రేక్‌ రావడం ఖాయం అనిపిస్తుంది. అతి త్వరలోనే చిత్రలహరి ప్రేక్షకుల ముందుకు వచ్చేందుకు సిద్దం అవుతోంది. ఈ చిత్రంలో తేజూకు జోడీగా ఇద్దరు ముద్దుగుమ్మలు నటించారు. తేజూ లుక్‌ చాలా విభిన్నంగా ఉంది. యూత్‌ ఆడియన్స్‌ కు కనెక్ట్‌ అయ్యేలా ఈ చిత్రం ఉంటుందనే నమ్మకం అందరిలో వ్యక్తం అవుతుంది.