సింగం సిరీస్ సినిమాలతో అటు తమిళంలో - ఇటు తెలుగులో మాస్ ఆడియన్స్ ను ఉర్రూతలూగించాడు సూర్య. నరసింహం పాత్రలో సూర్య పలికించిన రౌద్రం.. ఫెరోషియస్ పోలీస్ క్యారెక్టర్లు చేసే ఏ నటుడికైనా ఓ పాఠం అని చెప్పొచ్చు. ఈ టైపు సినిమాలు తీయడంలో తనకు తానే సాటి అని డైరెక్టర్ హరి కూడా మరోసారి రుజువు చేసుకున్నాడు. ఇప్పుడిక ఈ జోడీ సింగం సిరీస్ లో మూడో సినిమాకు రెడీ అయిపోయింది. ‘సింగం-3’ ఈ ఏడాదే ప్రేక్షకుల ముందుకు రాబోతోంది. ఈ నెలలోనే షూటింగ్ మొదలు. ఈ నేపథ్యంలో ‘సింగం-3’ ఫస్ట్ లుక్ పోస్టర్లు రిలీజ్ చేశాడు హరి. సింగం - సింగం-2 కంటే ఇది మరింత పవర్ ఫుల్ గా ఉండబోతోందని పోస్టర్లు చూస్తేనే చెప్పేయొచ్చు.
సింహం రూపంలోంచి చొచ్చుకొచ్చిన సూర్య ముఖంతో ‘సింగం-3’ పోస్టర్ ను చాలా పవర్ ఫుల్ గా తీర్చిదిద్దారు. రెండు డిఫరెంట్ షేడ్స్, డిఫరెంట్ కలర్స్ లో ఈ పోస్టర్లు డిజైన్ చేశారు. రెండూ కూడా కొంచెం తమాషాగాకూడా అనిపిస్తున్నాయి. సూర్య - హరి కలిసి మరోసారి మాస్ ఆడియన్స్ కు విందు భోజనం పెట్టబోతున్నారని అర్థమవుతోంది. టైటిల్ లోగో కూడా చాలా బాగా డిజైన్ చేశారు. ‘యూనివర్శల్ కాప్’ అని క్యాప్షన్ పెట్టారు కాబట్టి.. హరి మరోసారి తన పోలీస్ హీరోని ప్రపంచం చుట్టించబోతున్నాడని అర్థం చేసుకోవచ్చు. సూర్య సరసన ఈ చిత్రంలో ‘సింగం’ సిరీస్ హీరోయిన్ అనుష్కతో పాటు శ్రుతి హాసన్ కూడా నటిస్తోంది.
సింహం రూపంలోంచి చొచ్చుకొచ్చిన సూర్య ముఖంతో ‘సింగం-3’ పోస్టర్ ను చాలా పవర్ ఫుల్ గా తీర్చిదిద్దారు. రెండు డిఫరెంట్ షేడ్స్, డిఫరెంట్ కలర్స్ లో ఈ పోస్టర్లు డిజైన్ చేశారు. రెండూ కూడా కొంచెం తమాషాగాకూడా అనిపిస్తున్నాయి. సూర్య - హరి కలిసి మరోసారి మాస్ ఆడియన్స్ కు విందు భోజనం పెట్టబోతున్నారని అర్థమవుతోంది. టైటిల్ లోగో కూడా చాలా బాగా డిజైన్ చేశారు. ‘యూనివర్శల్ కాప్’ అని క్యాప్షన్ పెట్టారు కాబట్టి.. హరి మరోసారి తన పోలీస్ హీరోని ప్రపంచం చుట్టించబోతున్నాడని అర్థం చేసుకోవచ్చు. సూర్య సరసన ఈ చిత్రంలో ‘సింగం’ సిరీస్ హీరోయిన్ అనుష్కతో పాటు శ్రుతి హాసన్ కూడా నటిస్తోంది.