శాతకర్ణి బాలయ్యకు ఘన సన్మానం

నందమూరి బాలకృష్ణ వందో చిత్రంగా గౌతమిపుత్ర శాతకర్ణి ఘన విజయం సాధించిన సంగతి తెలిసిందే. బాలయ్య కెరీర్ లోనే బిగ్గెస్ట్ హిట్ గా నిలిచిన శాతకర్ణి.. ఇప్పడు 50 కోట్ల షేర్ మార్క్ దిశగా దూసుకుపోతోంది. హిస్టారికల్ చిత్రాల్లోని హిస్టరీ క్రియేట్ చేశాడు గౌతమిపుత్ర శాతకర్ణి.

ఈ ఘన విజయాన్ని.. శాతకర్ణి లాంటి పాత్ర చేసి.. ఇలాంటి చారిత్రాత్మక చిత్రాన్ని తెరకెక్కించే ధైర్యం చేసిన నందమూరి బాలకృష్ణకు సన్మానం నిర్వహించారు పారిశ్రామిక వేత్త కం ఫిలిం ఇండస్ట్రీ సన్నిహితుడు అయిన టీ సుబ్బిరామిరెడ్డి. ఈ వేడుకకు బాలకృష్ణ కుటుంబం మొత్తం హాజరు కావడం ప్రత్యేక ఆకర్షణగా నిలిచింది. బాలకృష్ణ భార్య వసుంధర.. కూతుళ్లు బ్రాహ్మణి..తేజస్వినిలు.. ఈ వేడుకలో భాగం అయ్యారు. తండ్రిని ఆహుతులు ప్రశంసల్లో ముంచెత్తుతుంటే.. ఆ కూతుళ్ల కళ్లలో కనిపించిన ఆనందాన్ని వర్ణించడానికి మాటలు చాలవని చెప్పాలి.

ల్యాండ్ మార్క్ చిత్రాన్ని హిస్టారికల్ గా ఎంచుకోవడంలో బాలయ్య ధైర్యం చేశారని.. దీనికి కుటుంబ సభ్యుల నుచి లభించిన మద్దతు కూడా ఎంతో ఉందని పలువురు ప్రశంసించారు. ఇదే వేడుకలో దర్శకుడు క్రిష్.. ఆయన భార్య రమ్యలకు బోలెడన్ని ప్రశంసలు లభించాయి. కొత్త పెళ్లి జంట అయినా.. ఈ చిత్రం కోసం వారు పడ్డ తపన అసామాన్యం అన్నారు అతిథులు. ఎంతో కష్టపడి తమ లక్ష్యాన్ని అందుకున్న బాలయ్య-క్రిష్ లను మనసారా అభినందించారు సుబ్బిరామిరెడ్డి.

Like Us on Facebook : https://www.facebook.com/Tupakidotcom/