మిల్కీని మనోళ్లు పట్టించుకోవడం లేదే

తమన్నా భాటియా తెలుగులో ఓ వెలుగు వెలిగిన హీరోయిన్. ప్రస్తుతం ఈమెపై టాలీవుడ్ చిన్నచూపు చూస్తోంది. భారీ చిత్రాలు.. క్రేజీ ఆఫర్స్ లాంటివేవీ టాలీవుడ్ నుంచి ఈమె దగ్గరకు చేరడం లేదు. కోలీవుడ్ లో మూడు క్రేజీ ప్రాజెక్టులతో బిజీగా ఉన్నా.. తెలుగు సినిమా అవకాశాలు మాత్రం ఒక్కటంటే ఒక్కటి కూడా మిల్కీకి అందడం లేదు.

వచ్చే నెలలో విడుదల కానున్న బాహుబలి ది కంక్లూజన్ మాత్రమే.. మిల్కీ బ్యూటీ చేతిలో ఉన్న తెలుగు సినిమా. టాలీవుడ్ సినిమాల్లో చేసేందుకు తమన్నా ఎంతగా ఆసక్తి చూపుతున్నా.. ఆఫర్లేవీ చెంతకు చేరడం లేదు. సహజంగా తమిళ సినిమాల కంటే.. తెలుగు మూవీ మేకర్స్ ముట్ట చెప్పే పారితోషికం ఎక్కువగా ఉంటుంది. అందుకే.. హీరోయిన్లు ఏడాదిలో కనీసం ఒక్క తెలుసు సినిమా అయినా చేయాలని ఉత్సాపడుతూ ఉంటారు. తమ్మూ కూడా ఇందుకు మినహాయింపు ఏమీ కాదు. అయితే.. సక్సెస్ ప్లస్ క్రేజ్ ఉన్న సమంత.. రకుల్ లాంటి హీరోయిన్లకే ఇంపార్టెన్స్ ఇస్తున్నారు టాలీవుడ్ మేకర్స్.

నందమూరి బాలకృష్ణ- కే ఎస్ రవికుమార్ ల కాంబినేషన్ లో జయసింహ అనే ప్రాజెక్టు రూపొందనుంది. పూరీతో సినిమా పూర్తయ్యాక.. ఈ చిత్రాన్ని ప్రారంభిస్తారు బాలయ్య. ఆ చిత్రంలో హీరోయిన్ పాత్రకు తమన్నాని సంప్రదించారనే టాక్ ఉంది. ప్రస్తుతం మాటా మంతీ జరుగుతున్నా.. ఇంకా ఆఫర్ ఫైనల్ కాలేదని అంటున్నారు.

Like Us on Facebook : https://www.facebook.com/Tupakidotcom/