సిక్సర్ కోసం సాహో మీద కౌంటర్?

మెయిన్ లాంగ్వేజ్ తెలుగులోనే సాహో టాక్ ఇంత డివైడ్ గా ఉందంటే ఇక పక్క రాష్ట్రం తమిళనాడులో ఎలా ఉంటుందో వేరే చెప్పాలా. మొదటి మూడు రోజులు పర్వాలేదు అనిపించినా నిన్న మంగళవారం నుంచి చెన్నైతో సహా అన్ని కేంద్రాల్లోనూ బాగా డ్రాప్ ఉంది. దీని మీద మీడియా సైతం నెగటివ్ రిపోర్ట్స్ ఇవ్వడంతో వసూళ్లు ఆశించిన స్థాయిలో లేవు. ఇదిలా ఉండగా తమిళ దర్శకుడు వెంకట్ ప్రభు చేసిన ట్వీట్ ఇప్పుడు సోషల్ మీడియాలో హాట్ టాపిక్
గా మారింది.

విషయానికి వస్తే సాహోకు భయపడి ఇతర సినిమాల నిర్మాతలు అందరూ విడుదల వాయిదా వేసుకున్నారు కానీ వైభవ్ హీరోగా నటించిన సిక్సర్ మాత్రం అదే రోజు ఆగస్ట్ 30నే రిలీజ్ చేశారు. ఓ మాదిరిగా పర్వాలేదు అనే టాక్ వచ్చింది. రివ్యూలు కూడా బాగానే ఇచ్చారు. ఇక్కడ వెంకట్ ప్రభు లైన్ లోకి వచ్చాడు. ఈ వారం ఆన్ లైన్ రివ్యూలు చూస్తుంటే బాక్స్ ఆఫీస్ 'సిక్సర్' కొట్టినట్టు కనిపిస్తోందని 'సహో'దరుడు వైభవ్ కు శుభాకాంక్షలు అంటూ ఇన్ డైరెక్ట్ గా సాహోని టార్గెట్ చేస్తున్నట్టుగా అన్న మెసేజ్ ఇప్పుడు వైరల్ గా మారింది.

వెంకట్ ప్రభు అజిత్ తో తీసిన మంకతా(తెలుగు గ్యాంబ్లర్)లో వైభవ్ కీలక పాత్రతో మంచి పేరు తెచ్చుకున్నాడు. అప్పటినుంచి ఇద్దరి మధ్యా మంచి బాండింగ్ ఉంది. ఆ కారణంగా సిక్సర్ ని ప్రోత్సహించే వంకతో సాహోని కామెంట్ చేయడం బాలేదని ప్రభాస్ ఫాన్స్ కామెంట్స్ లో రియాక్ట్ అవుతున్నారు. వెంకట్ ప్రభు మాత్రం సాహో ఫెయిల్యూర్ ని ఉద్దేశించే సహోదరుడు వైభవ్ అని మెసేజ్ లో పేర్కొన్నాడని డార్లింగ్ ఫ్యాన్స్ ఫైర్ అవుతున్నారు.