అర‌వోళ్ల అతికి మ‌నోళ్ల కారం

తాము గొప్ప అని చెప్పుకోవ‌డంలో త‌ప్పు లేదు. కానీ తామే గొప్ప అంటే మాత్రం అవ‌త‌లి వాళ్ల అహం దెబ్బ తింటుంది. అర‌వోళ్లు త‌ర‌చుగా ఇలాంటి అతే చేస్తుంటారు. ఇండియ‌న్ సినిమాల్లో త‌మ‌వే అత్యంత గొప్ప అనే ఫీలింగ్ బ‌లంగా ఉంటుంది త‌మిళ జ‌నాల‌కు. ఒక‌ప్పుడైతే త‌మిళంలో గొప్ప గొప్ప సినిమాలొచ్చేవి. ఎవ్వ‌రూ చేయ‌ని ప్ర‌యోగాలు చేసేవాళ్లు. వాళ్ల కంటెంట్ చాలా గొప్ప‌గా ఉండేది. కానీ గ‌త కొన్నేళ్ల‌లో ప‌రిస్థితి చాలా మారింది. తెలుగు సినిమా వాళ్ల‌ను దాటి ముందుకెళ్లిపోయింది. ఇప్పుడు ఇండియాలో బాలీవుడ్ - కోలీవుడ్‌ ను మించి గొప్ప  కంటెంట్ ఉన్న సినిమాలు తెలుగు నుంచి వ‌స్తున్నాయి. అయినా త‌మిళోళ్లు తామే గొప్ప అనే భావ‌న వీడ‌ట్లేదు. వాళ్ల అస‌హ‌నం త‌ర‌చుగా బ‌య‌ట‌ప‌డిపోతూ ఉంటుంది. తెలుగులో హిట్ట‌యిన సినిమాల్ని త‌మిళంలో రీమేక్ చేసి హిట్లు కొట్టి.. ఒరిజ‌న‌ల్ వెర్ష‌న్ల కంటే త‌మ‌వే బాగున్నాయ‌ని డ‌బ్బా కొట్టుకోవ‌డం అర‌వోళ్ల‌కే చెల్లింది.

ఇప్పుడేదో మంచి సినిమాలు ప‌డి రేంజ్ పెంచుకున్నాడు కానీ.. ఒక‌ప్పుడు విజ‌య్ అనేవాడు రొడ్డ‌కొట్టుడు సినిమాలు చేసేవాడు. వేరే భాష‌ల్లో హిట్ట‌యిన మాస్ సినిమాల్ని రీమేక్ చేయ‌డం అత‌డికి అల‌వాటుగా ఉండేది. తెలుగు బ్లాక్ బ‌స్ట‌ర్లు త‌మ్ముడు - ఒక్క‌డు - పోకిరి లాంటి సినిమాల్ని అత‌ను రీమేక్ చేశాడు. ఐతే ఒక్క‌డు - పోకిరి సినిమాల్లో మ‌హేష్ బాబు ఎంత మంచి పెర్ఫామెన్స్ ఇచ్చాడో తెలిసిందే. కానీ వాటిలో కంటే రీమేక్‌ ల్లో విజ‌య్ అద‌ర‌గొట్టేశాడ‌ని - ఒరిజిన‌ల్స్ కంటే ఈ సినిమాలే బాగుంటాయ‌ని ఓ త‌మిళ క్రిటిక్ ఒక ట్వీట్ చేశాడు తాజాగా. దీనికి అర‌వోళ్లు చాలామంది బాకా వాయించారు. కానీ రెండు సినిమాల్ని పోల్చి - కీల‌కమైన స‌న్నివేశాలు చూస్తే మ‌హేష్ ముందు విజ‌య్ తేలిపోతాడ‌న్న‌ది వాస్త‌వం. దీనికి సంబంధించిన వీడియోలు పెట్టి మ‌హేష్ అభిమానుల‌తో పాటు వేరే హీరోల అభిమానులు సైతం అర‌వోళ్ల అతిని ఉతికారేసే ప‌నిలో ప‌డ్డారు. సోష‌ల్ మీడియాలో ఇప్పుడు ఇదో హాట్ టాపిక్‌ గా మారింది.