ఐట‌మ్ సాంగ్ లో చిందేయ‌డానికి భారీగా డిమాండ్ చేస్తున్న బుల్లితెర బ్యూటీ..!

న్యూస్ రీడర్‌ గా బుల్లి తెరపై అడుగుపెట్టిన అందాల అనసూయ.. 'జబర్దస్త్' షోతో తెలుగు రాష్ట్రాల్లో యాంకర్‌ గా గుర్తింపు తెచ్చుకుంది. ఈ క్రమంలో సినిమాల్లో కూడా అవకాశాలు అందిపుచ్చుకుంది. 'క్షణం' 'కథనం' 'ఎఫ్ 2' 'సోగ్గాడే చిన్నినాయనా' 'మీకుమాత్రమే చెప్తా' వంటి చిత్రాలలో అలరించింది.

ఇక 'రంగస్థలం' సినిమాలో 'రంగమ్మత్త'గా ప్రేక్షకులను అలరించింది. అలానే స్పెషల్ సాంగ్స్ లో నటించడానికి కూడా అమ్మడు వెనుకాడటం లేదు. ఇలా ఒకవైపు స్మాల్ స్క్రీన్ పై షోలు చేస్తూ అవకాశం వచ్చినప్పుడు సిల్వర్ స్క్రీన్ పై కూడా సత్తా చాటుతోంది. అయితే అనసూయ ఐట‌మ్ సాంగ్ లో చిందేయ‌డానికి సుమారు 20 ల‌క్ష‌లు తీసుకుంటున్నట్లు టాక్ నడుస్తోంది.

కార్తికేయ హీరోగా నటిస్తున్న 'చావు కబురు చల్లగా' సినిమాలో ఓ మాస్ మసాలా సాంగ్ చేయడానికి అనసూయ బాగానే తీసుకుందని టాక్. అలానే 'ది చేజ్' 'థాంక్ యూ బ్రదర్' చిత్రాల్లో కీలక పాత్రలు పోషిస్తోంది. ఈ క్రమంలో సుకుమార్ - అల్లు అర్జున్ కాంబినేషన్ లో తెరకెక్కుతున్న 'పుష్ప' సినిమాలో కూడా అనసూయ నటిస్తోందట.

ఇందులో కాస్త నెగిటివ్ షేడ్స్ ఉన్న రోల్ లో కనిపించనుందట. అలానే ఓ డాన్స్ నంబ‌ర్ లో కూడా కనిపించ‌బోతుంద‌ని స‌మాచారం. ఇకపోతే ఇప్పుడు మరో యాంకర్ ర‌ష్మీ కూడా అన‌సూయ మాదిరి క్యారెక్ట‌ర్ రోల్స్ చేయ‌డానికి రెడీగా ఉన్న‌ట్లుగా కాస్టింగ్ వ‌ర్గాలు చెబుతున్నాయి.