అందరూ ఏప్రిల్ మీదనే పడ్డారే!!

ఇప్పుడు ఏప్రిల్ నెలలో టాలీవుడ్ బాక్సీఫీస్ దగ్గర రాబోయే సినిమాల హోరు పెరిగింది. ఇప్పటికే మార్చి 24న కాటమరాయుడు.. ఏప్రియల్ 28న బాహుబలి సినిమాలు ఉండటంతో.. అసలు ఏప్రియల్ నెలలో ఏ సినిమా వచ్చినా కూడా అది రెండు నాళ్ళ ముచ్చటే. అయినాసరే టాలీవుడ్ లో మాత్రం అసలు ఏప్రియల్ సినిమాల హవా తగ్గట్లేదు. కొత్తగా మిష్టర్ కూడా ఇందులోకే వచ్చి పడ్డాడు.

ఏప్రియల్ 7న వెంకటేష్‌ హీరోగా రూపొందిన సాలా కడ్డూస్ సినిమా రీమేక్ ''గురు'' రిలీజవుతోంది. ఇకపోతే అదే తేదీన మణిరత్నం డైరక్షన్లో రూపొందిన ''చెలియా'' సినిమా కూడా రిలీజయ్యే ఛాన్సుంది. తెలుగులో దిల్ రాజు రూపొందిస్తున్న ఈ సినిమాలో కార్తి అండ్ అదితి రావ్ హైదారీ హీరో హీరోయిన్లు. ఆ తరువాత ఏప్రియల్ 14న.. శ్రీను వైట్ల రూపొందిన వరుణ్‌ తేజ్ సినిమా ''మిష్టర్'' కూడా రిలీజవుతున్నట్లు నిన్ననే ప్రకటించారు నిర్మాతలు. ఈ సినిమాలో లావణ్య త్రిపాఠి మరియు హెబ్బా పటేల్ లీడ్స్ లో నటిస్తున్నారు. ఈ సినిమాతో దారుణమైన ఫ్లాపులు చవిచూసిన శ్రీను వైట్ల రికవర్ కావాల్సి ఉంది. అలాగే వరుణ్‌ తేజ్ కూడా మార్కెట్ పటిష్టం చేసుకోవాలంటే.. ఈ సినిమాతో హిట్టు కొట్టాల్సిందే.

వీటితోపాటు ఇంకొన్ని చిన్న సినిమాలు కూడా ఇదే నెలను టార్గెట్ చేయడం విశేషం. అందరూ కూడా సమ్మర్ హాలిడేస్ ను క్యాష్‌ చేసుకోవాలనే ఉద్యేశ్యంతో.. ఇలా ఏప్రియల్ వెంట పడ్డారనే చెప్పాలి. చూద్దాం ఎవరు ఎంతవరకు విజయం సాధిస్తారో!!

Like Us on Facebook : https://www.facebook.com/Tupakidotcom/