తొలి రెండు సినిమాలకు చేసినట్లుగా అఖిల్ తన మూడో సినిమాకు చేయట్లేదు. ఈ సినిమాను ఖరారు చేసే విషయంలో ఏమాత్రం నాన్చలేదు. తన రెండో సినిమా ‘హలో’ రిలీజైన మూడు నెలలకే ఈ చిత్రాన్ని అనౌన్స్ చేశాడు. ‘తొలి ప్రేమ’ సినిమా రిలీజైన నెల రోజులకే ఆ చిత్ర దర్శకుడు వెంకీ అట్లూరితో తన తర్వాతి సినిమా చేయబోతున్నట్లు ప్రకటించాడు. ఈ చిత్రానికి సాంకేతిక నిపుణులు.. నటీనటుల ఎంపిక కూడా వేగంగా జరుగుతోంది.
వెంకీ తొలి సినిమాకు సంగీతాన్నందించిన తమనే ఈ చిత్రానికి కూడా మ్యూజిక్ ఇవ్వబోతున్నాడు. ‘తొలి ప్రేమ’కు తన సంగీతంతో తమన్ పెద్ద బలంగా నిలిచాడు. తమన్ తో తనకు బాగా సింక్ అవ్వడంతో అఖిల్ సినిమాకు కూడా అతడినే ఎంచుకున్నాడు వెంకీ. అఖిల్ తొలి సినిమా ‘అఖిల్’కు కూడా తమన్ పని చేశాడు. అందులో రెండు పాటలకు సంగీతాన్నందించాడు. ఇప్పుడు పూర్తి స్థాయిలో అఖిల్ మూడో సినిమాకు పని చేయబోతున్నాడు.
వెంకీ తొలి సినిమాను నిర్మించిన బి.వి.ఎస్.ఎన్.ప్రసాదే అతడి రెండో సినిమాను కూడా నిర్మించబోతున్నాడు. మార్చి 26న ఈ చిత్ర ప్రారంభోత్సవం జరుగుతుంది. మేలో రెగ్యులర్ షూటింగ్ మొదలుపెడతారట. తన తొలి రెండు సినిమాలు తీవ్ర నిరాశకు గురి చేసిన నేపథ్యంలో ఈ చిత్రంపై అఖిల్ చాలా ఆశలే పెట్టుకున్నాడు. ఈ చిత్రానికి స్క్రిప్టు ఇంకా పూర్తి కాలేదని.. రెగ్యులర్ షూటింగ్ మొదలయ్యే సమయానికి అది రెడీ అవతుుందని అంటున్నారు.
వెంకీ తొలి సినిమాకు సంగీతాన్నందించిన తమనే ఈ చిత్రానికి కూడా మ్యూజిక్ ఇవ్వబోతున్నాడు. ‘తొలి ప్రేమ’కు తన సంగీతంతో తమన్ పెద్ద బలంగా నిలిచాడు. తమన్ తో తనకు బాగా సింక్ అవ్వడంతో అఖిల్ సినిమాకు కూడా అతడినే ఎంచుకున్నాడు వెంకీ. అఖిల్ తొలి సినిమా ‘అఖిల్’కు కూడా తమన్ పని చేశాడు. అందులో రెండు పాటలకు సంగీతాన్నందించాడు. ఇప్పుడు పూర్తి స్థాయిలో అఖిల్ మూడో సినిమాకు పని చేయబోతున్నాడు.
వెంకీ తొలి సినిమాను నిర్మించిన బి.వి.ఎస్.ఎన్.ప్రసాదే అతడి రెండో సినిమాను కూడా నిర్మించబోతున్నాడు. మార్చి 26న ఈ చిత్ర ప్రారంభోత్సవం జరుగుతుంది. మేలో రెగ్యులర్ షూటింగ్ మొదలుపెడతారట. తన తొలి రెండు సినిమాలు తీవ్ర నిరాశకు గురి చేసిన నేపథ్యంలో ఈ చిత్రంపై అఖిల్ చాలా ఆశలే పెట్టుకున్నాడు. ఈ చిత్రానికి స్క్రిప్టు ఇంకా పూర్తి కాలేదని.. రెగ్యులర్ షూటింగ్ మొదలయ్యే సమయానికి అది రెడీ అవతుుందని అంటున్నారు.