కొణిదెల స‌కుటుంబ స‌ప‌రివార స‌మేతంగా

మెగా బ్ర‌ద‌ర్ నాగ‌బాబు కుమార్తె నిహారిక కొణిదెల వివాహం చైత‌న్య జొన్న‌ల‌గ‌డ్డ‌తో నేటి(బుధ‌వారం) సాయంత్రం అంగ‌రంగ వైభ‌వంగా జ‌రుగుతోంది. ఈ వేడుక‌కు సంబంధించిన ప్ర‌తిదీ వెబ్ లో వైర‌ల్ గా మారుతున్నాయి. ఉద‌య్ పూర్ ఉద‌య్ విలాస్ నుంచి ర‌క‌ర‌కాల ఫోటోలు వీడియోలు బ‌య‌టికి వ‌చ్చాయి. మెగాభిమానులు వాటిని సోష‌ల్ మీడియాల్లో షేర్ చేస్తూ హంగామా చేస్తున్న సంగ‌తి తెలిసిందే.

ఇక ఈ పెళ్లి ఆద్యంతం మెగాస్టార్ చిరంజీవి- నాగ‌బాబు సంద‌డి చూప‌రుల‌ను ప్ర‌త్యేకంగా ఆక‌ర్షిస్తోంది. ఇప్ప‌టికే నిహారిక పెళ్లి సంద‌ర్భంగా నాగ‌బాబు కొన్ని ఎక్స్ క్లూజివ్ ఫోటోల‌ను ఇన్ స్టాలో షేర్ చేశారు. ఇవ‌న్నీ వైర‌ల్ గా మారాయి.

తాజాగా మ‌రో ఎక్స్ క్లూజివ్ ఫోటోని షేర్ చేసి దానికి ఆస‌క్తిక‌ర క్యాప్ష‌న్ ఇచ్చారు. `కొణిదెల స‌కుటుంబ స‌ప‌రివార స‌మేతంగా` అంటూ ఎంతో సంతోషంగా ఈ ఫోటోని షేర్ చేశారు. నాగ‌బాబు -ప‌ద్మ‌జ దంప‌తులు.. చిరంజీవి-సురేఖ దంప‌తులు.. వీరితో పాటు ప‌వ‌ర్ స్టార్ ప‌వ‌న్ క‌ల్యాణ్ ఈ ఫోటోలో ఉన్నారు. కొత్త జంట నిహారిక‌-చైత‌న్య అలాగే ప‌వ‌న్ వార‌సుడు అకీరానంద‌న్.. కుమార్తె ఆద్య ఈ ఫోటోలు ఉన్నారు. ఫోటో ఫ్రేమ్ ఎంతో క‌ల‌ర్ ఫుల్ గా ఆక‌ట్టుకుంటోంది.