'ఉప్పెన' వంటి బ్లాక్ బస్టర్ సినిమాతో టాలీవుడ్ లో హీరోయిన్ గా గ్రాండ్ ఎంట్రీ ఇచ్చింది కృతి శెట్టి. బేబమ్మగా తొలి చిత్రంతోనే తెలుగు ప్రేక్షకులను ఆకట్టుకుని యువ హృదయాలను కొల్లగొట్టింది. దీంతో అమ్మడికి వరుస అవకాశాలు క్యూలు కట్టాయి. ముఖ్యంగా టైర్-2 హీరోలకు మీడియం బడ్జెట్ సినిమాలకు ఈ బ్యూటీ ఫస్ట్ ఛాయిస్ గా మారిపోయింది.
'శ్యామ్ సింగరాయ్' చిత్రంతో నేచురల్ స్టార్ నాని సరసన కృతి హీరోయిన్ గా నటించింది. ఈ సినిమా హిట్ టాక్ తెచ్చుకున్నా.. బాక్సాఫీస్ వద్ద ఆశించిన కలెక్షన్స్ అందుకోలేకపోయింది. కాకపోతే ఓటీటీలో మంచి రెస్పాన్స్ తెచ్చుకుంది. అయితే ఈ మూవీలో కృతి శెట్టి పాత్రకు ప్రాధాన్యత లేకపోవడంతో ఎవరూ ఆమె గురించి పెద్దగా మాట్లాడుకోలేదు.
ఇదే క్రమంలో యువ సామ్రాట్ అక్కినేని నాగచైతన్య కు జోడీగా 'బంగార్రాజు' చిత్రంలో కృతి నటించింది. అక్కినేని తండ్రీకొడుకులు కలిసి చేసిన ఈ సినిమాలో నాగలక్ష్మి అనే గ్రామీణ యువతి పాత్రలో ఆమె కనిపించింది. సంక్రాంతి సీజన్ లో రిలీజ్ అయిన ఈ చిత్రం.. ఓ మోస్తరు విజయాన్ని సాధించింది.
ఇక ఉస్తాద్ రామ్ పోతినేని నటించిన ద్విభాషా చిత్రం 'ది వారియర్' లోనూ కృతి హీరోయిన్ గా కనిపించింది. ఇది ఆమెకు తమిళ్ డెబ్యూ. భారీ అంచనాల నడుమ విడుదలైన ఈ సినిమా బాక్సాఫీస్ వద్ద డిజాస్టర్ గా నిలిచింది. దీంతో కోలీవుడ్ లో పాగా వేయాలనుకున్న అమ్మడి ఆశలు ఆడియాసలయ్యాయి.
దీని తర్వాత యూత్ స్టార్ నితిన్ 'మాచర్ల నియోజకవర్గం' సినిమాలోనూ హీరోయిన్ గా చేసింది. ఇది కూడా డిజాస్టర్ గా మారడంతో కృతి ఖాతాలో మరో ప్లాప్ వచ్చినట్లైంది. ఈ క్రమంలో ఇప్పుడు సుధీర్ బాబుతో కలిసి 'ఆ అమ్మాయి గురించి చెప్పాలి' అనే చిత్రంతో ప్రేక్షకుల ముందుకు వచ్చింది. ఈ సినిమా రిజల్ట్ ఏంటనేది ఈరోజు సాయంత్రానికి తెలిసిపోతుంది.
అంటే 2021 ఫిబ్రవరి నుండి 2022 సెప్టెంబర్ వరకు కృతిశెట్టి ఆరు తెలుగు సినిమాలలో హీరోయిన్ గా నటించింది. ఇటీవల కాలంలో ఏ హీరోయిన్ కూడా ఇన్ని ప్రాజెక్ట్స్ లో భాగం కాలేదని చెప్పాలి. కాకపోతే ఆమె ఆశించిన మేర విజయాలు అందుకోలేకపోయింది.
'ఉప్పెన' తర్వాత కృతి పెర్ఫార్మెన్స్ ఓరియెంటెడ్ సినిమాలను ఎంచుకోవడం లేదని.. అందుకే ఆమెకు తగిన పేరు రాలేదనే కామెంట్స్ వినిపిస్తున్నాయి. ఇలాగే కొనసాగితే కొన్నాళ్లకు టాలీవుడ్ కు దూరమయ్యే పరిస్థితి వస్తుందని అభిప్రాయ పడుతున్నారు.
కృతి శెట్టి చేతిలో ప్రస్తుతం రెండు క్రేజీ ప్రాజెక్ట్స్ ఉన్నాయి. నాగచైతన్య - వెంకట్ ప్రభు కాంబోలో తెరకెక్కుతున్న తెలుగు తమిళ బైలింగ్విల్ సినిమాలో హీరోయిన్ గా నటిస్తోంది. అలానే తమిళ హీరో సూర్య - బాలా కలయికలో రూపొందుతున్న చిత్రంలోనూ భాగమవుతోంది. ఈ రెండు సినిమాలు ఉప్పెన బ్యూటీ కెరీర్ ను ఎటువైపు నడిపిస్తాయో చూడాలి.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.
'శ్యామ్ సింగరాయ్' చిత్రంతో నేచురల్ స్టార్ నాని సరసన కృతి హీరోయిన్ గా నటించింది. ఈ సినిమా హిట్ టాక్ తెచ్చుకున్నా.. బాక్సాఫీస్ వద్ద ఆశించిన కలెక్షన్స్ అందుకోలేకపోయింది. కాకపోతే ఓటీటీలో మంచి రెస్పాన్స్ తెచ్చుకుంది. అయితే ఈ మూవీలో కృతి శెట్టి పాత్రకు ప్రాధాన్యత లేకపోవడంతో ఎవరూ ఆమె గురించి పెద్దగా మాట్లాడుకోలేదు.
ఇదే క్రమంలో యువ సామ్రాట్ అక్కినేని నాగచైతన్య కు జోడీగా 'బంగార్రాజు' చిత్రంలో కృతి నటించింది. అక్కినేని తండ్రీకొడుకులు కలిసి చేసిన ఈ సినిమాలో నాగలక్ష్మి అనే గ్రామీణ యువతి పాత్రలో ఆమె కనిపించింది. సంక్రాంతి సీజన్ లో రిలీజ్ అయిన ఈ చిత్రం.. ఓ మోస్తరు విజయాన్ని సాధించింది.
ఇక ఉస్తాద్ రామ్ పోతినేని నటించిన ద్విభాషా చిత్రం 'ది వారియర్' లోనూ కృతి హీరోయిన్ గా కనిపించింది. ఇది ఆమెకు తమిళ్ డెబ్యూ. భారీ అంచనాల నడుమ విడుదలైన ఈ సినిమా బాక్సాఫీస్ వద్ద డిజాస్టర్ గా నిలిచింది. దీంతో కోలీవుడ్ లో పాగా వేయాలనుకున్న అమ్మడి ఆశలు ఆడియాసలయ్యాయి.
దీని తర్వాత యూత్ స్టార్ నితిన్ 'మాచర్ల నియోజకవర్గం' సినిమాలోనూ హీరోయిన్ గా చేసింది. ఇది కూడా డిజాస్టర్ గా మారడంతో కృతి ఖాతాలో మరో ప్లాప్ వచ్చినట్లైంది. ఈ క్రమంలో ఇప్పుడు సుధీర్ బాబుతో కలిసి 'ఆ అమ్మాయి గురించి చెప్పాలి' అనే చిత్రంతో ప్రేక్షకుల ముందుకు వచ్చింది. ఈ సినిమా రిజల్ట్ ఏంటనేది ఈరోజు సాయంత్రానికి తెలిసిపోతుంది.
అంటే 2021 ఫిబ్రవరి నుండి 2022 సెప్టెంబర్ వరకు కృతిశెట్టి ఆరు తెలుగు సినిమాలలో హీరోయిన్ గా నటించింది. ఇటీవల కాలంలో ఏ హీరోయిన్ కూడా ఇన్ని ప్రాజెక్ట్స్ లో భాగం కాలేదని చెప్పాలి. కాకపోతే ఆమె ఆశించిన మేర విజయాలు అందుకోలేకపోయింది.
'ఉప్పెన' తర్వాత కృతి పెర్ఫార్మెన్స్ ఓరియెంటెడ్ సినిమాలను ఎంచుకోవడం లేదని.. అందుకే ఆమెకు తగిన పేరు రాలేదనే కామెంట్స్ వినిపిస్తున్నాయి. ఇలాగే కొనసాగితే కొన్నాళ్లకు టాలీవుడ్ కు దూరమయ్యే పరిస్థితి వస్తుందని అభిప్రాయ పడుతున్నారు.
కృతి శెట్టి చేతిలో ప్రస్తుతం రెండు క్రేజీ ప్రాజెక్ట్స్ ఉన్నాయి. నాగచైతన్య - వెంకట్ ప్రభు కాంబోలో తెరకెక్కుతున్న తెలుగు తమిళ బైలింగ్విల్ సినిమాలో హీరోయిన్ గా నటిస్తోంది. అలానే తమిళ హీరో సూర్య - బాలా కలయికలో రూపొందుతున్న చిత్రంలోనూ భాగమవుతోంది. ఈ రెండు సినిమాలు ఉప్పెన బ్యూటీ కెరీర్ ను ఎటువైపు నడిపిస్తాయో చూడాలి.
నోట్ : మీ ఫీడ్ బ్యాక్ మాకు ముఖ్యం. క్రింద కామెంట్ బాక్స్ లో కామెంట్ చేయండి. మా కంటెంట్ నచ్చినా చెప్పండి. నచ్చకపోయినా చెప్పండి. హుందాగా స్పందించండి. abuse వద్దు.