ఎన్టీఆర్.. వైయ‌స్సార్.. థాక్రే.. మ‌న్మోహ‌న్.. మోదీ .. బయోపిక్ ఏదైనా వివాదాలు మాత్రం త‌ప్ప‌నిస‌రి అయ్యాయి. ఆయా సినిమాల రిలీజ్ ల ముంగిట ప్ర‌త్యర్థి నాయ‌కులు రిలీజ్ ఆపాలంటూ నిర‌స‌న‌లు తెలియ‌జేశారు. కోర్టులు - కేసులు అంటూ బోలెడంత రుబాబ్ చేయ‌డం చ‌ర్చ‌కొచ్చింది. తాజ‌గా ఇదే హీట్ ని ల‌క్ష్మీస్ ఎన్టీఆర్ - మోదీ బయోపిక్ ఎదుర్కొంటున్నాయి. ఇప్పుడు ఇదే కేటగిరీలో చేరింది కేసీఆర్ బయోపిక్ గా చెబుతున్న `ఉద్య‌మ సింహం`. వివ‌రాల్లోకి వెళితే..
ఎన్నిక‌ల వాతావ‌ర‌ణం వేడెక్కుతున్న వేళ బ‌యోపిక్‌ల హ‌డావిడి మ‌రింత హీట్ పుట్టిస్తోంది. బాలీవుడ్‌ లో మోదీ బయోపిక్ - టాలీవుడ్‌ లో ల‌క్ష్మీస్ ఎన్టీఆర్ - కేసీఆర్ లపై బయోపిక్ లు సంచ‌ల‌నంగా మారాయి. దీంతో ఈ చిత్రాల‌ను ఎన్నిక‌లు పూర్త‌య్యే వ‌ర‌కు నిలిపివేయాల‌ని ప్ర‌జా సంఘాలు - రాజ‌కీయ నేత‌లు స‌వాల్ చేస్తున్నారు. ఎన్టీఆర్ వైస్రాయ్ కుట్రోదంతం నేప‌థ్యంలో రామ్‌ గోపాల్‌ వ‌ర్మ రూపొందించిన చిత్రం `ల‌క్ష్మీస్ ఎన్టీఆర్`. ఈ చిత్రాన్ని ఏపీలో విడుద‌ల చేయ‌రాదంటూ మంగ‌ళ‌గిరి కోర్టు ఉత్త‌ర్వులు జారీ చేసిన విష‌యం తెలిసిందే. దీంతో ప్ర‌పంచ వ్యాప్తంగా శుక్ర‌వారం విడుద‌ల‌వుతున్న ఈ చిత్రాన్ని ఏపీలో నిలిపివేశారు. దీనిపై ద‌ర్శ‌కుడు రామ్‌ గోపాల్‌ వ‌ర్మ సుప్రీమ్ కోర్టును ఆశ్ర‌యించ‌డానికి సిద్ధ‌మ‌వుతున్నారు. ఇక నైజాం - ఓవ‌ర్సీస్ లో ల‌క్ష్మీస్ ఎన్టీఆర్ రిలీజైంది.
ఇదిలా వుండ‌గా తెలంగాణ ముఖ్య‌మంత్రి క‌ల్వ‌కుంట్ల చంద్ర‌శేఖ‌ర్‌ రావు జీవిత క‌థ ఆధారంగా రూపొందిన `ఉద్య‌మ‌సింహం` మూవీ విడుద‌ల‌ను కూడా నిలిపేయాలంటూ కాంగ్రెస్ సీనియ‌ర్ నేత వీ హ‌నుమంత‌రావు కేంద్ర ఎన్నిక‌ల సంఘానికి విజ్ఞ‌ప్తి చేయ‌డం ఆస‌క్తిక‌రంగా మారింది. ఆ సినిమా కేసీఆర్ పై తీసినా ఆ కుటుంబం నుంచి చిత్ర బృందం ఎలాంటి అనుమ‌తులు తీసుకోలేదు. పైగా ఈ చిత్రానికి ట్రేడ్ స‌ర్కిల్స్‌ లో అస‌లు అంత క్రేజు లేనే లేదు. అయినా ఈ చిత్రాన్ని విడుద‌ల చేయ‌కూడ‌దంటూ వీహెచ్ కేంద్ర ఎన్నిక‌ల సంఘాన్ని కోర‌డంతో ఒక్క‌సారిగా `ఉద్య‌మ‌సింహం` వార్త‌ల్లో నిలుస్తోంది. `అర్జున్‌ రెడ్డి` స‌మ‌యంలోనూ వీహెచ్ హ‌డావిడి చేసి ఆ చిత్రానికి మ‌రింత హైప్ ని తీసుకొచ్చిన విష‌యం తెలిసిందే. ఇప్పుడు ఉద్య‌మ సింహం చిత్రానికి అలానే హైప్ తెచ్చే ప్ర‌య‌త్న‌మేనా ఇది? వేచి చూడాలి.
ఎన్నిక‌ల వాతావ‌ర‌ణం వేడెక్కుతున్న వేళ బ‌యోపిక్‌ల హ‌డావిడి మ‌రింత హీట్ పుట్టిస్తోంది. బాలీవుడ్‌ లో మోదీ బయోపిక్ - టాలీవుడ్‌ లో ల‌క్ష్మీస్ ఎన్టీఆర్ - కేసీఆర్ లపై బయోపిక్ లు సంచ‌ల‌నంగా మారాయి. దీంతో ఈ చిత్రాల‌ను ఎన్నిక‌లు పూర్త‌య్యే వ‌ర‌కు నిలిపివేయాల‌ని ప్ర‌జా సంఘాలు - రాజ‌కీయ నేత‌లు స‌వాల్ చేస్తున్నారు. ఎన్టీఆర్ వైస్రాయ్ కుట్రోదంతం నేప‌థ్యంలో రామ్‌ గోపాల్‌ వ‌ర్మ రూపొందించిన చిత్రం `ల‌క్ష్మీస్ ఎన్టీఆర్`. ఈ చిత్రాన్ని ఏపీలో విడుద‌ల చేయ‌రాదంటూ మంగ‌ళ‌గిరి కోర్టు ఉత్త‌ర్వులు జారీ చేసిన విష‌యం తెలిసిందే. దీంతో ప్ర‌పంచ వ్యాప్తంగా శుక్ర‌వారం విడుద‌ల‌వుతున్న ఈ చిత్రాన్ని ఏపీలో నిలిపివేశారు. దీనిపై ద‌ర్శ‌కుడు రామ్‌ గోపాల్‌ వ‌ర్మ సుప్రీమ్ కోర్టును ఆశ్ర‌యించ‌డానికి సిద్ధ‌మ‌వుతున్నారు. ఇక నైజాం - ఓవ‌ర్సీస్ లో ల‌క్ష్మీస్ ఎన్టీఆర్ రిలీజైంది.
ఇదిలా వుండ‌గా తెలంగాణ ముఖ్య‌మంత్రి క‌ల్వ‌కుంట్ల చంద్ర‌శేఖ‌ర్‌ రావు జీవిత క‌థ ఆధారంగా రూపొందిన `ఉద్య‌మ‌సింహం` మూవీ విడుద‌ల‌ను కూడా నిలిపేయాలంటూ కాంగ్రెస్ సీనియ‌ర్ నేత వీ హ‌నుమంత‌రావు కేంద్ర ఎన్నిక‌ల సంఘానికి విజ్ఞ‌ప్తి చేయ‌డం ఆస‌క్తిక‌రంగా మారింది. ఆ సినిమా కేసీఆర్ పై తీసినా ఆ కుటుంబం నుంచి చిత్ర బృందం ఎలాంటి అనుమ‌తులు తీసుకోలేదు. పైగా ఈ చిత్రానికి ట్రేడ్ స‌ర్కిల్స్‌ లో అస‌లు అంత క్రేజు లేనే లేదు. అయినా ఈ చిత్రాన్ని విడుద‌ల చేయ‌కూడ‌దంటూ వీహెచ్ కేంద్ర ఎన్నిక‌ల సంఘాన్ని కోర‌డంతో ఒక్క‌సారిగా `ఉద్య‌మ‌సింహం` వార్త‌ల్లో నిలుస్తోంది. `అర్జున్‌ రెడ్డి` స‌మ‌యంలోనూ వీహెచ్ హ‌డావిడి చేసి ఆ చిత్రానికి మ‌రింత హైప్ ని తీసుకొచ్చిన విష‌యం తెలిసిందే. ఇప్పుడు ఉద్య‌మ సింహం చిత్రానికి అలానే హైప్ తెచ్చే ప్ర‌య‌త్న‌మేనా ఇది? వేచి చూడాలి.