రౌడీ 'ఫైటర్‌' లో ఇస్మార్ట్‌ బ్యూటీ

చాలా కాలం తర్వాత ఇస్మార్ట్‌ శంకర్‌ చిత్రంతో సాలిడ్‌ సక్సెస్‌ ను దక్కించుకున్న డాషింగ్‌ డైరెక్టర్‌ పూరి జగన్నాధ్‌ తన తదుపరి చిత్రాన్ని విజయ్‌ దేవరకొండతో తెరకెక్కించబోతున్నాడు. ప్రస్తుతం విజయ్‌ నటిస్తున్న 'వరల్డ్‌ ఫేమస్‌ లవర్‌' చిత్రం చిత్రీకరణ పూర్తి అయ్యి విడుదలైన వెంటనే పూరి రంగంలోకి దిగబోతున్నాడు. ప్రస్తుతం స్క్రిప్ట్‌ వర్క్‌ చేస్తున్న పూరి మరో వైపు హీరోయిన్స్‌ విషయంలో కూడా చర్చలు జరుపుతున్నట్లుగా సమాచారం అందుతోంది.

ఈ చిత్రంకు 'ఫైటర్‌' అనే టైటిల్‌ ను పరిశీలిస్తున్నారనే వార్తలు వస్తున్నాయి. ఇప్పటి వరకు ఫైటర్‌ టైటిల్‌ విషయంలో క్లారిటీ అయితే రాలేదు. ఇక హీరోయిన్‌ గా ఇస్మార్ట్‌ శంకర్‌ చిత్రంలో నటించిన నభా నటేష్‌ ను ఎంపిక చేయాలని భావిస్తున్నాడట. ఈమె చేసిన రెండు సినిమాల్లో కూడా నటనతో ఆకట్టుకోవడంతో పాటు విమర్శకుల ప్రశంసలు దక్కించుకుంది. ఈమె చేసిన రెండు సినిమాలు కూడా మంచి ఫలితాన్ని అందుకున్నాయి. అందుకే ఆమెను లక్కీ హీరోయిన్‌ గా భావిస్తున్న పూరి ఆమెను తన తర్వాత సినిమాకు కూడా కంటిన్యూ చేయాలని భావిస్తున్నాడంట.

నభా నటేష్‌ 'ఇస్మార్ట్‌ శంకర్‌' చిత్రం తర్వాత బిజీ అయ్యింది. ఆమె వరుసగా ఆఫర్లు దక్కించుకుంటుంది. ఈ సమయంలోనే పూరితో క్రేజీ మూవీలో ఛాన్స్‌ దక్కించుకుంటుందేమో చూడాలి. విజయ్‌ దేవరకొండ మరియు నభా నటేష్‌ ల జోడీ స్క్రీన్‌ పై ఎలా ఉంటుందనే విషయం తెలుసుకునేందుకు త్వరలోనే టెస్ట్‌ షూట్‌ ను హీరోయిన్‌ కు పాత్ర కోసం ఆడిషన్స్‌ ను చేస్తారట. అన్నింట్లో ఓకే అనుకున్న తర్వాతే నభా నటేష్‌ ను ఫైనల్‌ చేస్తారని కూడా తెలుస్తోంది. సినిమా షూటింగ్‌ ప్రారంభ సమయంకు హీరోయిన్‌ విషయంలో పూరి క్లారిటీ ఇచ్చే అవకాశం ఉంది.