లీక్డ్ పిక్: కొత్త లుక్ తో షాకిస్తున్న యష్

పోయినేడాది బాక్స్ ఆఫీస్ వద్ద దేశావాప్తంగా సంచలనం సృష్టించిన సినిమాల్లో కన్నడ సినిమా 'కే జీ ఎఫ్: చాప్టర్ 1' ఒకటి.  ఆ సినిమా ఘన విజయంతో కన్నడ రాకింగ్ స్టార్ యష్ కు ప్యాన్ ఇండియా ఫాలోయింగ్ ఏర్పడింది. తన పర్సనాలిటీ.. యాక్టింగ్ తోనే కాకుండా రగ్డ్ లుక్ తో అందరినీ క్లీన్ బౌల్డ్ చేశాడు యష్.  పొడవాటి జుట్టు.. గుబురు గడ్డంతో రాకీ భాయ్ పాత్రలో లీనమైపోయాడు.  మరి 'కేజీఎఫ్ చాప్టర్ 2' షూటింగ్ స్టార్ట్ అయింది కదా. ఇందులో సేమ్ లుక్ ఉంటుందా లేదా.. కొత్త లుక్ ఉంటుందా?

రీసెంట్ గా లీక్ అయిన ఒక పిక్ తో ఆ ప్రశ్నకు ఫుల్ క్లారిటీ వచ్చేసింది.  ఫస్ట్ పార్ట్ లో యష్ లుక్కే  మాసు అనుకుంటే 'కేజీఎఫ్ చాప్టర్ 2' లో యష్ లుక్ డబల్ మాస్ గా ఉంది.  ఫస్ట్ పార్ట్ లో ఉన్న లుక్ కంటే ఇంకా ఇంటెన్స్ గా మరింత పొడవైన జుట్టు.. ఇంకా పొడవైన గడ్డంతో చూస్తేనే శత్రువులు జడుసుకునేలా ఉన్నాడు. అయితే ఈ లీకయిన పిక్ లో స్పెషాలిటి ఏంటంటే ఇది అద్దం ముందు నిలబడి స్వయంగా యష్ తీసుకున్న సెల్ఫీ. మరి అదెలా లీక్ అయింది? ఎవరు లీక్ చేశారు అని నెటిజనులు అప్పుడే అనుమానాలు కూడా వ్యక్తం చేస్తున్నారు.

లీక్ అయిందో.. లీక్ చేశారో తర్వాతా సంగతి.. యష్ లుక్ బైటకు వచ్చిందా లేదా అన్నది ఇక్కడ పాయింట్. ఇదిలా ఉంటే ఈమధ్యే చాప్టర్ 2 షూటింగ్ ప్రారంభమయింది.  మొదటి చాప్టర్ కంటే భారీ స్కేల్ లో.. అంతకు మించి అన్నట్టుగా సెకండ్ పార్ట్ ను తెరకెక్కించేందుకు దర్శకుడు ప్రశాంత్ నీల్ ప్లాన్ చేసుకున్నాడట. ఈలెక్కన మరోసారి రాకీ భాయ్ బాక్స్ ఆఫీస్ ను రఫ్ఫాడించడం ఖాయమే.. ఏమంటారు?