'లార్డ్ ఆఫ్ ది రింగ్స్' మేక‌ర్‌తో ద‌క్షిణాది న‌టుడి ప్ర‌య‌త్నం!

ఉల‌గ‌నాయ‌గ‌న్ కమల్ హాసన్ కేవలం నటుడు మాత్రమే కాదు. అత‌డు సినిమా ఎన్‌సైక్లోపీడియా..ఎప్పటికీ గుర్తుండిపోయే ఆల్ రౌండ‌ర్ ప‌నిత‌నంతో ఈ బిరుదును సంపాదించాడు. బ్రియాన్ డి పాల్మా 1987 హాలీవుడ్ క్లాసిక్ ది అన్‌టచబుల్స్ నుండి ప్రేరణ పొందిన ఓ రీమేక్ కోసం జాకీ చాన్, సల్మాన్ ఖాన్, కత్రినా కైఫ్, ప్రభాస్ ఏకం కావాలని అతడు కోరుకున్న న‌టుడు ఆయ‌న‌. నిజమైన నాన్-విఎఫ్ఎక్స్ ఈగిల్‌తో సన్నివేశాన్ని చిత్రీకరించడానికి మాత్రమే చనిపోయినట్లు నటించిన గొప్ప ధీశాలి మ‌న క‌మ‌ల్. కేట్ విన్‌స్లెట్, రజనీకాంత్ & అమితాబ్ బచ్చన్‌లను కలిపి భారీ సినిమా తీయాల‌ని కూడా క‌ల‌గ‌న్నాడు. ఈ మనిషి అన్నీ చేసాడు.

నేటి ట్రెండ్ లో భారతీయ సినిమా గేమ్ ను శాశ్వతంగా మార్చగల ప్రాజెక్ట్ గురించి అత‌డు భారీ ప్ర‌ణాళిక‌ల్ని క‌లిగి ఉన్నాడు. కానీ దురదృష్టవశాత్తు అది ఫలించలేదు. 2008లో కమల్ `లార్డ్ ఆఫ్ ది రింగ్స్` మేకర్ బారీ ఎమ్ ఓస్బోర్న్‌ని కలిసి ఒక ప్రాజెక్ట్ చేయడం గురించి మాట్లాడారు. ET (2012లో)కి ఇచ్చిన ఇంటర్వ్యూలో ఒస్బోర్న్ ఇదే విషయం గురించి మాట్లాడుతూ, ``నేను కమల్‌ని 2008 లేదా 2009లో ముంబైలో కలిశాను. అప్పుడే మేము ఒక ప్రాజెక్ట్ గురించి మాట్లాడటం ప్రారంభించాము. తర్వాత ఇద్దరం ఎవ‌రికి వారు బిజీ అయిపోయాం. దాంతో అది పక్కదారి పట్టిపోయింది. ఇటీవల అత‌డు `విశ్వరూపం` పూర్తి చేసి లాస్ ఏంజిల్స్‌కు వచ్చినప్పుడు మేము మళ్లీ కలుసుకున్నాము. కలిసి ఏదైనా చేయాలని మళ్లీ మాట్లాడటం ప్రారంభించాము`` అని తెలిపారు.

కమల్ హాసన్‌తో కలిసి పనిచేయాల‌నే ఉత్సాహాన్ని ఆ ఇంటర్వ్యూలో `లార్డ్ ఆఫ్ ది రింగ్స్` నిర్మాత ప్ర‌ద‌ర్శించారు. ఆయ‌న‌ ఇలా అన్నారు. ``నాకు భారతీయ సినిమా అంటే ఆసక్తి ఉంది.. కానీ అంతర్జాతీయ ప్రేక్షకులకు కథలు చెప్పడం నా నిజమైన‌ ఆసక్తి. ఇక కమల్ కూడా కథలు చెప్పడంలో ఆసక్తి చూపుతాడు. అతడు భారతదేశంలో గొప్ప న‌ట‌ప్ర‌ద‌ర్శ‌కుడు. అతడు ప్రపంచ ప్రేక్షకులను చేరుకోవడం ప్రపంచ మార్కెట్‌కు కథలు చెప్పాల‌నే ఆసక్తితో ఉన్నాడు. మేం కలిసి పనిచేయగల ఆలోచనలను చర్చించాము. ఆలోచనలు ఇచ్చిపుచ్చుకున్నాం. నేను అతని ఆలోచనలలో ఒకదాన్ని నిజంగా ఇష్టపడ్డాను. దానిని అభివృద్ధి చేయడానికి అంగీకరించాము. ఆ ఆలోచనలోంచి సినిమా తీస్తామని ఆశిస్తున్నాం. ఇది ఇప్పుడు ప్రారంభ రోజుల్లో ఉంది. అయితే మేం కలిసి పనిచేస్తామని ఆశిస్తున్నాను`` అని అన్నారు. అతడు బిగ్ బితో కలిసి పని చేయాలనే కోరికను కూడా వ్యక్తం చేశాడు, ``అమితాబ్ బచ్చన్‌తో పనిచేయడం నాకు చాలా ఇష్టం. అతడు నిజమైన ట్రీట్! పాత్ర చిన్నదే అయినప్పటికీ ది గ్రేట్ గాట్స్‌బై (ఓస్బోర్న్ ఎగ్జిక్యూటివ్ ప్రొడ్యూసర్ అయిన రాబోయే చిత్రం)లో చాలా మంచి పాత్రను పోషిస్తున్నాడు`` అని తెలిపాడు.

మ‌రో ఇంట‌ర్వ్యూలో కమల్ హాసన్ ఆలోచనను ఎలా అడ్డుకోలేకపోయాడో నిర్మాత బారీ ఎమ్ ఓపెన‌య్యాడు.``విశ్వరూపంతో క‌మ‌ల్ హాస‌న్ సాధించినది న‌న్ను ఆకట్టుకుంది. ఆ తరువాత మేం ఆలోచించాం. కలిసి పని చేసే అవకాశం గురించి మాట్లాడటం ప్రారంభించాము. చరిత్ర, సాహిత్యం నేప‌థ్యంలో చలనచిత్రాలపై అతని జ్ఞానం ఎన్ సైక్లోపెడిక్. కమల్ ఒక ఆలోచనను నాకు అందించాడు. అతనితో క‌లిసి పనిచేయడాన్ని నేను ఆప‌లేను`` అని వ్యాఖ్యానించారు.

2013లో బారీ ఎమ్ ఒస్బోర్న్‌తో కమల్ హాసన్ హాలీవుడ్ ప్రాజెక్ట్ కి `ఆల్ ఆర్ కిన్` అని టైటిల్ పెట్టార‌ని ప్ర‌చార‌మైంది. దీనిని తమిళంలోకి అనువ‌దిస్తే `యవరుమ్ కేలిర్`. దీని అర్థం ``ప్ర‌జలందరూ నా బంధువులు``. ఆసక్తికరమైన విషయం ఏమిటంటే మరో తమిళ సూపర్ స్టార్ విజయ్ సేతుపతి 2023లో `యాదుం ఊరే యావరుం కేలిర్` అనే సినిమా చేసాడు. ఆ సినిమాకి కమల్ చిత్రానికి ఎలాంటి సంబంధం లేదు. యాదుమ్ ఊరే యావరుం కేలిర్‌ను అంటే ``అన్ని ప్రాంతాలు నా స్వస్థలం, ప్రజలందరూ నా బంధువులు!`` అని అనువదించవచ్చు. ఇది కనియన్ పూంగున్రానార్ తాలూకా పురాతన తమిళ పద్యం నుండి తీసుకున్న ప‌దం.