'జైలర్' లో బాల‌య్య ఉండి ఉంటేనా..!
జైలర్ లో న‌ట‌సింహా నందమూరి బాలకృష్ణ ఒక పాత్ర‌ను పోషించాల‌ని తాను కోరుకున్న‌ట్టు కూడా తెలిపారు.
సూప‌ర్ స్టార్ రజనీకాంత్ ప్రధాన పాత్రలో నటించిన `జైలర్` బాక్సాఫీస్ వద్ద దూసుకుపోతోంది. ఈ చిత్రం ఇప్పటికే దేశ విదేశాల నుంచి పాజిటివ్ రిపోర్ట్స్ అందుకుంది. మొదటి రెండు రోజుల్లో 2023 లో అత్యధిక వసూళ్లు సాధించిన చిత్రంగా నిలిచింది. చిత్ర బృందానికి అన్ని ప్రాంతాల నుండి ప్రశంసలు అందుతున్నాయి. ద‌ర్శ‌కుడు నెల్సన్ దిలీప్ కుమార్ ప్ర‌ముఖ మ్యాగజైన్‌ ఇంటర్వ్యూలో ఈ చిత్రం గురించి కొన్ని వాస్తవాలను వెల్లడించారు.
తనకు ఇంత బలమైన సపోర్టింగ్ క్యాస్ట్ లభించినందుకు క్రెడిట్ మొత్తం రజనీకాంత్‌కి ఇచ్చారు అతడు. మోహన్‌లాల్, శివ రాజ్‌కుమార్, వినాయకన్ పాత్రలు గొప్ప ప్రశంసలు అందుకోవడంతో సపోర్టింగ్ కాస్ట్ జైలర్ సినిమాకు చాలా ప్లస్ అయింద‌ని ఆయ‌న అన్నారు.
జైలర్ లో న‌ట‌సింహా నందమూరి బాలకృష్ణ ఒక పాత్ర‌ను పోషించాల‌ని తాను కోరుకున్న‌ట్టు కూడా తెలిపారు. కానీ అతడు మాస్-లోడెడ్ యాక్టర్ ఎన్బీకే కి సరైన గ్రాఫ్ ఉన్న పాత్ర‌ను ఇవ్వ‌లేక‌పోతానేమోన‌ని భ‌య‌ప‌డ్డార‌ట. అందుకే అతడు తన ప్రణాళికలను విరమించుకున్నాడు.
బ్లాక్ బస్టర్ చిత్రాలైన అన్నామలై-బాషా సినిమాల స్ఫూర్తితో కనీసం 50శాతం అయినా రజనీకాంత్‌ను అలా ప్రదర్శించాలని ప్ర‌య‌త్నించిన‌ట్టు తెలిపాడు. రజనీకాంత్ హీరో అన్న‌ది ప్ర‌తి నిమిషం గుర్తుంచుకుని ప‌ని చేసాన‌ని .. ర‌జ‌నీ అభిమానులను అలరించాలనేది తన ల‌క్ష్యం అని నెల్సన్ అన్నాడు. ఇదిలా ఉంటే నెల్సన్ మళ్లీ విజయాల బాట పట్టడంతో పాటు తన నైపుణ్యాన్ని మరోసారి నిరూపించుకోవడంతో అభిమానులు కూడా ఈ విజ‌యంపై సంతోషం వ్యక్తం చేస్తున్నారు. జైలర్ గా రజనీకాంత్ ఎన‌ర్జిటిక్ పాత్రలో న‌టించారు. టైగర్ ముత్తువేల్ పాండియన్ అనే పాత్రతో గర్జించాడు. అనిరుధ్ రవిచందర్ సంగీతం కూడా ఆకట్టుకుంది. అత‌డి బ్యాక్ గ్రౌండ్ స్కోర్ సినిమాని బాగా ఎలివేట్ చేసింది.