స్టైలిష్ లుక్ లో పవర్ ఫుల్ విలన్ గా అర్జున్ రామ్ పాల్

నట సింహం నందమూరి బాలకృష్ణ లేటెస్ట్ మూవీ భగవంత్ కేసరి దసరా కానుకగా ఈ నెల 19న వరల్డ్ వైడ్ గా రిలీజ్ కానుంది. ఈ సినిమా ప్రమోషన్స్ ని చిత్ర యూనిట్ మొదలెట్టేసింది. ఈ నెల 8న థియేట్రికల్ ట్రైలర్ రిలీజ్ వంటి భారీ ఈవెంట్ కి సన్నాహాలు జరుగుతున్నాయి.

దానికి ఒక రోజు ముందు ఈ మూవీలో పవర్ ఫుల్ విలన్ పాత్రలో నటించిన అర్జున్ రామ్ పాల్ పోస్టర్ ని మేకర్స్ రిలీజ్ చేశారు. ఈ పోస్టర్ చూస్తూంటే స్టైలిష్ లుక్ లో అర్జున్ రామ్ పాల్ కనిపిస్తున్నారు. ఈ మూవీలో ఆయన హుందాతో రాజసం ఉట్టిపడే విలన్ గా కనిపించబోతున్నారు అని అర్ధం అవుతోంది.

బాలయ్య ఈ సినిమాలో ఫైర్ బ్రాండ్ గా వీరోచితమైన హీరోగా అదరగొట్టే పాత్రలో కనిపించనున్నాడు. మునుపెన్నడూ లేని విధంగా బాలయ్య వేషం భాష మొత్తం టోటల్ గా చిత్ర దర్శకుడు అనిల్ రావిపూడి మార్చేశారు.

తెలంగాణా యాసలో మాట్లాడుతూ బాలయ్య ఫస్ట్ టైం ఈ మూవీలో కనిపిస్తారు. బాలయ్య అంటే ఉండాల్సిన మసాలా అంతా ఉంటుంది. అదిరిపోయే యాక్షన్ సీన్లు ఉంటాయి. బాలయ్యకు ప్రత్యర్ధిగా పవర్ ఫుల్ విలనీని పండించాలంటే ధీటైన వారు అవసరం.

అందువల్ల ఆ పాత్రకు అర్జున్ రామ్ పాల్ ని మేకర్స్ తీసుకున్నారు. ఇపుడు రిలీజ్ చేసిన పోస్టర్ ని చూస్తూంటే నూరు శాతం వారి ఎంపిక కరెక్ట్ అనిపిస్తోంది. మహారాజా కుర్చీలో కూర్చుని చేతిలో స్టిక్ పట్టుకుని చాలా స్టైలిష్ గా గ్రాండ్ గా అర్జున్ రామ్ పాల్ పోస్టర్ కనిపిస్తోంది. ఆయన విలనిజాన్ని ఫ్యాషనబుల్ గా డిజైన్ చేసినట్లుగా పోస్టర్ చూస్తే అర్ధం అవుతోంది.

బాలయ్యకు సరిజోడుగా పెర్ఫెక్ట్ విలన్ గా అర్జున్ రామ్ పాల్ సూట్ అవుతారన్నది ఈ పోస్టర్ రిలీజ్ తో అందరికీ క్లారిటీ వచ్చేసింది. ఈ మూవీలో శ్రీలీల కాజల్ అగర్వాల్ కీలక పాత్రలలో కనిపించనున్నారు. షైన్ స్క్రీన్స్ నిర్మాణంలో రూపుదిద్దుకున్న భగవంత్ కేసరి ఈ దసరాకు గర్జించడానికి రెడీ అవుతోంది.

ఈ మూవీకి సంబంధించి ఇప్పటిదాకా రిలీజ్ చేసిన ప్రోమోస్ చూస్తూంటే కచ్చితంగా బాలయ్య ఖాతాలో ఒక బ్లాక్ బస్టర్ మూవీ పడేలాగానే ఉంది అంటున్నారు. అఖండ, వీర సింహారెడ్డి వంటి బ్యాక్ టూ బ్యాక్ సూపర్ హిట్ల తరువాత భగవంత్ కేసరితో బాలయ్య హ్యాట్రిక్ కొట్టేలాగానే మూవీ ఉందని అంటున్నారు. సో బాలయ్య అభిమానులకే కాదు, టోటల్ తెలుగు జనాలకు దసరా విందుని అందించేందుకు ప్రామిసింగ్ హిట్ అంటూ భగవంత్ కేసరి వచ్చేస్తున్నాడు.