భోళా శంకరా.. ట్రైలర్ అయినా క్లిక్ అయ్యేనా..?

మెగాస్టార్ భోళా శంకర్ ప్రేక్షకుల ముందుకు రావడానికి రెడీ అవుతున్నాడు. ఈ ఏడాది మొదట్లో వాల్తేరు వీరయ్యతో బ్లాక్ బస్టర్ హిట్ అందుకున్న ఆయన, ఇప్పుడు ఈ భోళా శంకర్ తో మరో హిట్ అందుకోవాలని అనుకుంటున్నారు. ఇప్పటికే ఈ మూవీ పై మంచి బజ్ క్రియేట్ అవుతోంది. మూవీ విడుదలకు దగ్గరపడుతుండటంతో, పాటలు విడుదల చేస్తున్నారు.

ఇప్పటి వరకు రెండు పాటలు విడుదల చేశారు. ఆ పాటలు చూడటానికి బాగున్నాయి. ఆ పాటల్లో చిరు లుక్స్ కూడా చాలా స్టైలిష్ గా ఉన్నాయి. కానీ, వినసొంపుగా, పాడుకునేలా మాత్రం పాటలు లేవు. దీంతో, ఇప్పటి వరకు ఈ రెండు పాటలు మూవీపై హైప్ పెంచడానికి హెల్ప్ అవ్వలేదు. ప్రమోష్స్ హీట్ ఎందుకు పెంచడం లేదు అని ఫ్యాన్స్ కూడా ఆలోచిస్తున్నారు. అంతెందుకు కనీసం చిరు టీజర్ లో తెలంగాణ యాసలో చెప్పిన డైలాగులు కూడా పెద్దగా క్లిక్ అయినట్లు అనిపించలేదు.

ఈ క్రమంలో ఈ మూవీ ట్రైలర్ విడుదల చేయనున్నారు. ఈ మేరకు ఓ పోస్టర్ విడుదల చేశారు. ఆ పోస్టర్ లో చిరు సీరియస్ లుక్ లో ఉన్నారు. ఈ నెల జులై 27వ తేదీన ఈ ట్రైలర్ విడుదల చేయనున్నట్లు మేకర్స్ ప్రకటించారు. మూవీ మాత్రం ఆగస్టు 11వ తేదీన ప్రేక్షకుల ముందుకు వస్తుందని ప్రకటించారు. కాగా, ఇప్పుడు ఫ్యాన్స్ ఆశలన్నీ ట్రైలర్ మీదే ఉన్నాయి. ట్రైలర్ క్లిక్ అయితే తప్ప, మూవీ పై హైప్ పెరిగే అవకాశం లేదు.

మరి ట్రైలర్ తో అయినా హైప్ పెంచుతారో లేదో చూడాలి. ఇక, ఈ సినిమా 2015లో అజిత్ నుంచి వచ్చిన సూపర్ హిట్ 'వేదాళం' చిత్రానికి ఇది రీమేక్ అనే సంగతి తెలిసిందే. మెహర్ రమేష్ దర్శకత్వం వహించారు. ఈ మూవీలో చిరుకి సోదరిగా కీర్తి సురేష్ నటిస్తోంది. ఆ గస్టులో ఈ మూవీ ప్రేక్షకుల ముందుకు వస్తోంది.

ఈ మూవీ తర్వాత చిరు, గోల్డ్ బాక్స్ ఎంటర్టయిన్ మెంట్స్ బ్యానర్ లో ఓ మూవీ చేయనున్నారు. ఈ మూవీకి బంగార్రాజు ఫేమ్ డైరెక్టర్ కళ్యాణ్ కృష్ణ దర్శకత్వం వహిస్తున్నట్లు తెలుస్తోంది. ఇక గోల్డ్ బాక్స్ ఎంటర్టయిన్ మెంట్స్ బ్యానర్ చిరంజీవి పెద్ద కుమార్తె సుస్మిత, ఆమె భర్త విష్ణుప్రసాద్ లకు చెందినది. ఇక వీరి బ్యానర్ లో వస్తున్న తొలి సినిమా ఇది కావడం విశేషం.