BB7 లో న్యూ రూల్స్.. నాగార్జున ఇంత గట్టిగా చెబుతున్నాడు అంటే..!

బుల్లితెర ఆడియన్స్ ఎప్పుడెప్పుడా అని ఎదురుచూస్తున్న బిగ్ బాస్ సీజన్ 7 త్వరలో మొదలు కాబోతుంది. బిగ్గెస్ట్ రియాలిటీ షో అయిన బిగ్ బాస్ తెలుగులో ఆరు సక్సెస్ ఫుల్ సీజన్లను పూర్తి చేసుకుంది త్వరలో 7వ సీజన్ ని స్టార్ట్ చేయబోతున్నారు. బిగ్ బాస్ లాస్ట్ సీజన్ ఆడియన్స్ ని ఆకట్టుకోవడంలో వెనకపడ్డది. సీజన్ అంతా చాలా నిరుత్సాహంగా సాగింది. అయితే బిగ్ బాస్ సీజన్ 7 అలా ఉండకూడదు అనుకుని పర్ఫెక్ట్ ప్లానింగ్ తో వస్తున్నారు బిగ్ బాస్ టీం.

ముఖ్యంగా ఈ షో ఆడియన్స్ కి మంచి ఎంటర్టైన్ మెంట్ తో పాటుగా షో మీద ఆసక్తి కలిగించేలా ప్లాన్ చేస్తున్నారట. రీసెంట్ గా హోస్ట్ నాగార్జున బిగ్ బాస్ సీజన్ 7 ప్రోమోలో కుడి ఎడమైతే అని హింట్ ఇచ్చాడు. అయితే అదేంటి అన్నది మాత్రం క్లారిటీకి రాలేదు. ఇక లేటెస్ట్ గా బీబీ షైనింగ్ స్టార్స్ అంటూ స్టార్ మాలో ఒక ఎపిసోడ్ చేస్తున్నారు. అయితే ఈసారి సీజన్ స్టార్ట్ అవకముందే బిగ్ బాస్ మీద హైప్ పెంచేలా ప్లాన్ చేస్తున్నారు. బిబి షైనింగ్ స్టార్స్ కార్యక్రమాన్ని సుమ యాంకరింగ్ చేయగా గెస్ట్ గా నాగార్జున కూడా వచ్చారు.

లేటెస్ట్ గా బిబి షైనింగ్ స్టార్స్ ప్రోమో రిలీజ్ కాగా అక్కడ కూడా నాగార్జున ఈసారి సీజన్ 7 నెక్స్ట్ లెవెల్ లో ఉంటుందని అన్నారు. కుడి ఎడమైతే అంటే ఏంటన్నది చెప్పలేదు కానీ కొత్త టాస్క్ లు.. కొత్త రూల్స్ అంతా కూడా కొత్తగా ఉంటుందని అన్నారు. సో హోస్ట్ నాగార్జున ఇంత గట్టిగా చెబుతున్నారు అంటే కచ్చితంగా బిగ్ బాస్ సీజన్ 7 తెలుగు సంథింగ్ స్పెషల్ గా ఉండబోతుందని చెప్పొచ్చు.

బిగ్ బాస్ మొదలవుతుంది అంటే చాలు కంటెస్టెంట్స్ లిస్ట్ ఇదే అంటూ సోషల్ మీడియాలో హంగామా తెలిసిందే. అయితే సీజన్ 7 కంటెస్టెంట్స్ విషయంలో కూడా టీం పర్ఫెక్ట్ ప్లాన్ చేశారట. బిగ్ బాస్ సీజన్ 7 ఎలా ఉండబోతుంది ఈసారి ఎవరెవరు ఈ హౌస్ లోకి వెళ్తున్నారు అన్న దానిపై త్వరలో ఒక క్లారిటీ వస్తుంది. ఇదివరకు సీజన్లలో జరిగిన తప్పులను కవర్ చేసి ఈ సీజన్ ఆడియన్స్ కి మంచి థ్రిల్ అనిపించేలా బిగ్ బాస్ టీం ఫిక్స్ చేస్తున్నారని తెలుస్తుంది.