ఫిబ్రవరి 7 రాజుల్లమ్మ జాతరే..!

నాగ చైతన్య, సాయి పల్లవి జంటగా గీతా ఆర్ట్స్ 2 బ్యానర్ లో అల్లు అరవింద్ సమర్పణలో బన్నీ వాసు నిర్మిస్తున్న సినిమా తండేల్. చందు మొండేటి డైరెక్షన్ లో తెరకెక్కిన ఈ సినిమాకు దేవి శ్రీ ప్రసాద్ మ్యూజిక్ అందిస్తున్నారు. ఫిబ్రవరి 7న రిలీజ్ అవుతున్న ఈ సినిమా ట్రైలర్ రిలీజ్ ఈవెంట్ వైజాగ్ లో జరిగింది. ఈ ట్రైలర్ రిలీజ్ ఈవెంట్ లో అక్కినేని ఫ్యాన్స్ ని ఉత్సాహపరచేలా నాగ చైతన్య స్పీచ్ ఇచ్చారు.

మైక్ అందుకున్న నాగ చైతన్య ముందు అల్లు అరవింద్ గారికి థాంక్స్ చెప్పారు. ఏడాదిన్నర గా అల్లు అరవింద్ గారు నాతో ఉన్నారు. ఆయనే నా లైఫ్ లో నిజమైన తండేల్ అని అన్నారు నాగ చైతన్య. ఈ సినిమా చివరికి వచ్చే సరికి ఈయన లేకుండా సినిమా ఎలా చేస్తానా అనిపించిందని అన్నారు. సినిమాలో ఆయన ఇన్వాల్వ్ మెంట్, ఇన్ పుట్స్ కి థాంక్ యు సో మచ్ అని అన్నారు.

వైజాగ్ ఆడియన్స్ గురించి చెబుతూ.. తాను ఎప్పుడూ చెబుతుంటా వైజాగ్ లో సినిమా ఆడింది అంటే ప్రపంచంలో ఎక్కడైనా సినిమా ఆడాల్సిందే. వైజాగ్ నాకు ఎంతో క్లోజ్.. వైజాగ్ అమ్మాయిని ప్రేమించి పెళ్లి చేసుకున్నా.. ఇప్పుడు నా ఇంట్లో రూలింగ్ పార్టీ వైజాగ్ దే.. తండేల్ సినిమా వైజాగ్ కలెక్షన్స్ షేక్ అవ్వాలి లేదంటే ఇంట్లో పరువు పోతుంది ఇది నా తరపున రిక్వెస్ట్ అన్నారు నాగ చైతన్య.

డైరెక్టర్ చందు మొండేటి సినిమా స్టార్ట్ చేసే ముందు ఒక డైలాగ్ చెప్పాడు. దద్దా గుర్తెట్టుకో.. ఈ పాలి ఏట గురి తప్పదేలేదేస్.. ఫిబ్రవరి 7న రాజులమ్మ జాతరే.. మన కింగ్ చెబుతూ ఉంటారు కదా వస్తున్నాం కొడుతున్నామని తండేల్ రాజు స్టైల్ లో చెప్పాలంటే దుల్లగొట్టేస్తున్నామని అన్నారు నాగ చైతన్య.

నాగ చైతన్య సరసన సాయి పల్లవి హీరోయిన్ గా నటించిన తండేల్ సినిమా నుంచి ఇప్పటికే రిలీజైన సాంగ్స్ సూపర్ బజ్ ఏర్పరిచాయి. సినిమా ట్రైలర్ రిలీజ్ ఈవెంట్ లో చైతన్య కేవలం సినిమా గురించి మాత్రమే చెబుతూ ఫ్యాన్స్ ని ఉత్సాహపరిచారు. ఈవెంట్ లో చైతన్య స్పీచ్ చూస్తుంటేనే ఎంత కాన్ఫిడెంట్ గా ఉన్నారన్నది అర్థమవుతుంది.