ఇలా ధనుష్‌ కి మాత్రమే సాధ్యం..!

తమిళ స్టార్‌ హీరో ధనుష్‌ అప్పుడే తన 50వ సినిమాకు చేరుకున్నాడు. వచ్చే నెలలో సంక్రాంతి కానుకగా తన 49వ సినిమా కెప్టెన్‌ మిల్లర్ తో ప్రేక్షకుల ముందుకు రాబోతున్న విషయం తెల్సిందే. ఇప్పటికే తన ల్యాండ్‌ మార్క్ చిత్రం అయిన 50వ సినిమాను ధనుష్ మొదలు పెట్టడం జరిగింది.

ధనుష్‌ తన 50వ సినిమాకు తానే దర్శకత్వం వహిస్తున్న విషయం తెల్సిందే. గతంలో కూడా ధనుష్ మెగా ఫోన్ పట్టి దర్శకత్వం వహించిన సందర్భాలు ఉన్నాయి. D50 ఆయనకి స్పెషల్‌ కనుక స్వయంగా దర్శకత్వం వహిస్తున్నాడు. D50 తర్వాత ధనుష్ మళ్లీ దర్శకత్వం చేయడానికి కచ్చితంగా చాలా సమయం తీసుకుంటాడని అంతా భావించారు.

D50 కి సంగీతాన్ని అందిస్తున్న సంగీత దర్శకుడు జీవి ప్రకాష్ తాజాగా ఒక ఇంటర్వ్యూలో ఆసక్తికర విషయాన్ని వెళ్లడించాడు. ప్రస్తుతం తన 50వ సినిమాకు దర్శకత్వం వహిస్తున్న ధనుష్ ఆ వెంటనే మరో సినిమాకి కూడా దర్శకత్వం వహించబోతున్నాడు.. ఆ సినిమా కి కూడా తానే మ్యూజిక్ డైరెక్టర్‌ ని అంటూ చెప్పుకొచ్చాడు.

ధనుష్‌ దర్శకత్వంలో రూపొందబోతున్న ఆ సినిమాలో మెయిన్‌ లీడ్‌ ధనుష్ కాకుండా మరో హీరో ఉంటాడట. అయితే కీలకమైన గెస్ట్‌ రోల్‌ లో ధనుష్ కూడా కనిపించబోతున్నాడట. వచ్చే ఏడాది సమ్మర్ తర్వాత ధనుష్ దర్శకత్వంలో ఆ సినిమా విడుదల ప్రారంభం అయ్యే అవకాశాలు ఉన్నాయి.

మొత్తానికి ఒక వైపు ఏడాదికి మూడు నాలుగు సినిమాల్లో హీరోగా నటిస్తూ అంతే స్పీడ్‌ గా దర్శకుడిగా సినిమాలు చేయడం ఏ హీరోకి సాధ్యం అయ్యే విషయం కాదు. ఇలా కేవలం ధనుష్ కి మాత్రమే సాధ్యం అంటూ ఆయన అభిమానులు కొత్త ప్రాజెక్ట్‌ పై హర్షం వ్యక్తం చేస్తున్నారు. ధనుష్ దర్శకత్వంలో కొత్త సినిమా ప్రకటన కొత్త ఏడాదిలో వస్తుందేమో చూడాలి.