దిల్ రాజు.. దర్శకుడితో మరొకటి!

బడా నిర్మాత దిల్ రాజు ప్రొడక్షన్ లో వచ్చి ఎఫ్2, ఎఫ్ 3 సినిమాలు కమర్షియల్ గా సూపర్ హిట్ అయ్యాయి. అనిల్ రావిపూడి దర్శకత్వంలో తెరకెక్కిన ఈ రెండు సినిమాలు ఎఫ్2 ఫ్రాంచైజ్ లో భాగంగా వచ్చాయి. విక్టరీ వెంకటేష్, వరుణ్ తేజ్ హీరోలుగా తెరకెక్కిన ఈ కామెడీ ఫ్యామిలీ ఎంటర్టైనర్స్ ప్రేక్షకులకి బాగా కనెక్ట్ అయ్యాయి. అనిల్ రావిపూడి సినిమాలలో మెజారిటీ దిల్ రాజు ప్రొడక్షన్ నుంచే వచ్చాయి.

టాక్ తో సంబంధం లేకుండా కమర్షియల్ గా వీరిద్దరికి సక్సెస్ రేట్ 100% ఉందని చెప్పొచ్చు. అలాగే వరుస విజయాలతో మోస్ట్ సక్సెస్ ఫుల్ డైరెక్టర్ గా అనిల్ రావిపూడి ఉన్నారు. రాజమౌళి తరువాత వరుసగా ఏడు సక్సెస్ లు అందుకున్న దర్శకుడు అనిల్ రావిపూడి కావడం విశేషం. ఇదిలా ఉంటే ప్రస్తుతం అనిల్ రావిపూడి విక్టరీ వెంకటేష్ హీరోగా మూవీ చేస్తున్నారు.

ఇప్పటికే ఈ సినిమా అఫీషియల్ ఎనౌన్సమెంట్ అయిపొయింది. యాక్షన్ అండ్ కామెడీ టచ్ తో ఈ సారి వెంకటేష్ సినిమాని అనిల్ రావిపూడి చేస్తున్నారంట. ఇదిలా ఉంటే ఇప్పుడు అనిల్ రావిపూడితో దిల్ రాజు ఎఫ్2 ఫ్రాంచైజ్ లో మరో సినిమా చేయాలని అనుకుంటున్నారంట. దీనిపై డిస్కషన్స్ జరుగుతున్నట్లు తెలుస్తోంది. ఎఫ్2, ఎఫ్3 రెండు భిన్నమైన కథలతోనే తెరపైకి తీసుకు వచ్చారు.

అయితే మొదటి పార్ట్ ఇచ్చినంత సక్సెస్ ఎఫ్3 ఇవ్వలేదు. రెగ్యులర్ కథాంశంతో తెరకెక్కింది. కానీ మూవీ కమర్షియల్ సక్సెస్ అందుకుంది. అయితే ఈ సారి ఎఫ్4 కోసం సరికొత్త కథని ఎంచుకోవాలని అనుకుంటున్నారంట. విక్టరీ వెంకటేష్, దిల్ రాజు కాంబోలో రెడీ అవుతోన్న సినిమాని దిల్ రాజు నిర్మిస్తున్నారు.

భారీ బడ్జెట్ తో ఈ మూవీ సిద్ధం అవుతోంది. దీని తర్వాత ప్రాజెక్ట్ గా ఎఫ్ 4 చేయాలనే ప్లాన్ తో దిల్ రాజు ఉన్నారంట. అయితే ఇదంతా ప్రస్తుతం సోషల్ మీడియాలో జరుగుతున్న ప్రచారం మాత్రమే. దీనిపై దిల్ రాజు టీమ్ నుంచి క్లారిటీ వచ్చే వరకు వెయిట్ చేయాలి. అనిల్ రావిపూడి కూడా వరుస సక్సెస్ లతో మంచి జోరు మీద ఉన్నాడు. చివరగా బాలకృష్ణ తో భగవంత్ కేసరి అనే సినిమా చేశారు. ఎఫ్2 ఫ్రాంచైజ్ లో నెక్స్ట్ మూవీ వస్తే ఏ స్థాయిలో పబ్లిక్ నుంచి ఆదరణ వస్తుందనేది కూడా ఇప్పుడు ఆసక్తికర అంశంగా మారింది.