ఆ వీడియో వైరల్‌ కావడంతో 'కంగువా' విలన్ అయ్యాడు!
కంగువా సినిమా ప్రమోషన్‌లో భాగంగా శివ ఒక ఇంటర్వ్యూలో మాట్లాడుతూ విలన్ పాత్రకు బాబీ డియోల్‌ ఎంపిక విషయమై ఆసక్తికర వ్యాఖ్యలు చేశాడు.
తమిళ్ స్టార్ సూర్య హీరోగా దిశా పటానీ హీరోయిన్‌గా శివ దర్శకత్వంలో రూపొందిన 'కంగువా' నేడు ప్రపంచ వ్యాప్తంగా ప్రేక్షకుల ముందుకు వచ్చింది. తమిళనాడులో భారీ ఎత్తున విడుదల అయిన కంగువా సినిమాకు సాలిడ్ ఓపెనింగ్స్ దక్కే అవకాశాలు ఉన్నాయి. తెలుగు రాష్ట్రాల్లో మట్కా సినిమాతో స్క్రీన్‌లు షేర్‌ చేసుకోవడంతో పాటు థియేటర్ల యాజమాన్యాలతో ఇష్యూ కారణంగా కొన్ని థియేటర్లు తగ్గాయని తెలుస్తోంది. ఓవరాల్‌గా చూస్తే పాన్‌ ఇండియా స్థాయిలో కంగువా సినిమాకు భారీ రిలీజ్ దక్కింది. సినిమాకు పాజిటివ్ టాక్‌ దక్కితే భారీ ఓపెనింగ్స్ నమోదు అవుతాయని బాక్సాఫీస్ వర్గాల వారు అంటున్నారు. లాంగ్‌ వీకెండ్‌ ఉపయోగపడే అవకాశాలు ఉన్నాయి.
కంగువా సినిమా ప్రమోషన్‌లో భాగంగా శివ ఒక ఇంటర్వ్యూలో మాట్లాడుతూ విలన్ పాత్రకు బాబీ డియోల్‌ ఎంపిక విషయమై ఆసక్తికర వ్యాఖ్యలు చేశాడు. శివ మాట్లాడుతూ... చిన్నతనం నుంచి బాబీ డియోల్‌ అంటే అభిమానం. ఆయన సినిమాలు ఎన్నో చూశాను. ఆయనతో వర్క్ చేసే అవకాశం వస్తుందని ఎప్పుడూ అనుకోలేదు. ఒకసారి బాబీ డియోల్‌ ఎయిర్‌పోర్ట్‌లో నడుచుకుంటూ వెళ్తూ మీడియాతో మాట్లాడుతూ యానిమల్ సినిమా ప్రమోషన్స్‌ పూర్తి అయిందని చెప్పే వీడియో సోషల్ మీడియాలో వైరల్‌ అయింది. ఆ వీడియోను చూసి వెంటనే తన సినిమాలో విలన్ అయితే బాగుంటుందని అనుకున్నాను. ఫోన్ చేసి అడిగిన వెంటనే చేసేందుకు ఒప్పుకున్నారు.
సినిమాలోని ఉదిరన్‌ పాత్రకు బాబీ డియోల్‌ అయితే న్యాయం చేస్తారని గట్టిగా నమ్మాను. నా నమ్మకం వమ్ము కాలేదు. యానిమల్ సినిమాలో కంటే క్రూరంగా బాబీ నటించి కంగువ సినిమా స్థాయిని పెంచారని శివ చెప్పుకొచ్చాడు. ఉదిరన్‌ కి జాలి అనేది ఉండదు. అలాంటి పాత్రను చేసేందుకు బాబీ డియోల్‌ కంటే బెస్ట్ ఆప్షన్ లేదు. ఆయన గొప్ప నటుడు అంటూ మరోసారి ఈ సినిమాతో నిరూపితం కాబోతుందని శివ పేర్కొన్నారు. తాను ఎలా అయితే అనుకున్నానో అలాగే నటించి వందకు వంద శాతం పాత్రకు న్యాయం చేశారని బాబీ డియోల్‌ సంతోషాన్ని వ్యక్తం చేయడం జరిగింది.
బానిసత్వపు సంకెళ్లను తెంచుకునేందుకు ఒక తెగ చేసే పోరాటంను కథగా మలిచి తెరకెక్కించిన కంగువా సినిమాలో సూర్య పాత్ర రెండు విభిన్నమైన షేడ్స్ తో సాగుతుందని అంటున్నారు. సినిమాలో హీరోయిన్‌గా దిశా పటానీ కనిపించబోతుంది. టైమ్ ట్రావెల్‌ కాన్సెప్ట్ అంటూ ప్రచారం జరిగినా అది కాదని మేకర్స్ చెప్పారు. మొత్తానికి కంగువా సినిమాలో సూర్య పాత్రతో పాటు బాబీ డియోల్‌ పాత్ర హైలైట్‌గా నిలుస్తాయని అంటున్నారు. దేవి శ్రీ ప్రసాద్‌ సంగీతం సినిమాకు ప్రధాన ఆకర్షణగా ఉంటుందని సైతం మేకర్స్ ప్రకటించారు.