సందీప్ వంగకి టార్గెట్ పెట్టిన ప్రభాస్..!

సలార్ 1 తో త్వరలో రాబోతున్న ప్రభాస్ ఆ సినిమాతో పాటుగా ఓ పక్క నాగ్ అశ్విన్ తో చేస్తున్న కల్కి సినిమాను కూడా పూర్తి చేసే పనిలో ఉన్నాడు. మారుతితో చేస్తున్న సినిమాను కూడా పూర్తి చేయాలని ప్రభాస్ చూస్తున్నాడు. కల్కి ప్రభాస్ పార్ట్ పూర్తి కాగా గ్రాఫిక్స్ కోసం ఎక్కువ టైం తీసుకుంటున్నారని తెలుస్తుంది. అయితే ఈ సినిమాల తర్వాత సందీప్ రెడ్డితో ప్రభాస్ స్పిరిట్ సినిమా అనౌన్స్ చేశాడు. సందీప్ యానిమల్ డిసెంబర్ 1న రిలీజ్ అవుతుండగా ఆ సినిమా రిలీజ్ అవ్వగానే ప్రభాస్ సినిమా మీద సందీప్ వర్క్ చేయనున్నాడు.

ప్రభాస్ కూడా సందీప్ సినిమాకు డేట్స్ అడ్జెస్ట్ చేస్తున్నట్టు తెలుస్తుంది. తెలుస్తున్న సమాచారం మేరకు ప్రభాస్ సందీప్ వంగ ఇద్దరు కలిసి 2024 మార్చి నెలలో తన సినిమాను సెట్స్ మీదకు తీసుకెళ్తారని టాక్. స్పిరిట్ అంటూ ఒక క్రేజీ సినిమా చేయబోతున్నాడు సందీప్ వంగ. ఆడియన్స్ కి నెక్స్ట్ లెవెల్ సినిమాటిక్ ఎక్స్ పీరియన్స్ అందించేందుకు సందీప్ వంగ కృషి చేస్తున్నాడు.

ఆల్రెడీ రణ్ బీర్ కపూర్ తో చేస్తున్న యానిమల్ ప్రచార చిత్రాలతోనే బాబోయ్ అనిపిస్తున్నాడు. సినిమా కూడా కచ్చితంగా అంచనాలకు మించే ఉంటుందని అనిపిస్తుంది. సందీప్ ప్రభాస్ ఈ కాంబో సినిమా పాన్ ఇండియా వైడ్ గా ప్రభంజనాలు సృష్టిస్తుందని చెప్పొచ్చు. తన మార్క్ స్టోరీ టెల్లింగ్ తో మెప్పిస్తున్న సందీప్ ప్రభాస్ లాంటి స్టార్ హీరోతో చేస్తున్న స్పిరిట్ ని కూడా అదే రేంజ్ లో తెరకెక్కించే ప్లానింగ్ లో ఉన్నాడు.

2024 లో మార్చి లో మొదలు పెడితే ఇయర్ ఎండింగ్ కల్లా మాక్సిమం పూర్తి చేయాలని ప్లాన్ చేస్తున్నారు. 2025 సమ్మర్ లో కానీ చివర్లో కానీ స్పిరిట్ రిలీజ్ ఉంటుందని తెలుస్తుంది. స్పిరిట్ తర్వాత సందీప్ వంగ అల్లు అర్జున్ తో సినిమా లైన్ లో పెట్టాడు. ప్రభాస్ తర్వాత అల్లు అర్జున్ సందీప్ లైనప్ మాత్రం మైండ్ బ్లాక్ అయ్యేలా చేస్తుంది. ప్రభాస్ కూడా సందీప్ సినిమా కోసం సూపర్ ఎగ్జైటెడ్ గా ఉన్నాడు. యానిమల్ హిట్ పడితే మాత్రం స్పిరిట్ సినిమాకు వరల్డ్ వైడ్ గా భారీ డిమాండ్ ఏర్పడుతుంది. అయితే అంచనాలు ఎన్ని ఉన్నా సందీప్ వాటిని అందుకుంటాడని చెప్పడంలో ఎలాంటి సందేహం లేదని సినీ ప్రియులు చెప్పుకుంటున్నారు.