మహేష్ మాస్ ఎంట్రీ సాంగ్ మోతెక్కించేలా!
సూపర్ స్టార్ మహేష్ క‌థానాయ‌కుడిగా త్రివిక్ర‌మ్ ద‌ర్శ‌క‌త్వంలో `గుంటూరు కారం` తెర‌కెక్కుతోన్న సంగతి తెలిసిందే.
సూపర్ స్టార్ మహేష్ క‌థానాయ‌కుడిగా త్రివిక్ర‌మ్ ద‌ర్శ‌క‌త్వంలో `గుంటూరు కారం` తెర‌కెక్కుతోన్న సంగతి తెలిసిందే. ఇప్ప‌టికే రిలీజ్ అయిన మహేష్ మాస్ లుక్ స‌హా గ్లింప్స్ ఆద్యంతం ఆక‌ట్టుకున్నాయి. మహేష్ ని ప‌క్కా మాస్ గా లాంచ్ చేస్తున్న‌ట్లు క‌నిపిస్తుంది. త్రివిక్ర‌మ్ మార్క్ హీరో ఎలివేష‌న్ ఆక‌ట్టుకుంటుంది. రాజ‌మౌళితో పాన్ ఇండియాని ట‌చ్ చేసే ముందు మహేష్ కి భారీ క‌మ‌ర్శియ‌ల్ స‌క్సెస్ ఇచ్చే చిత్రంగా `గుంటూరు కారం`ని గురూజీ డిజైన్ చేసిన‌ట్లు క‌నిపిస్తుంది.
టైటిల్ స‌హా ఇప్ప‌టివ‌ర‌కూ వ‌చ్చిన అప్ డేట్స్ అన్ని సినిమాపై అంచ‌నాలు అంతంత‌కంత‌కు రెట్టింపు చేసిన‌వే. తాజాగా ఫ‌స్ట్ సింగిల్ ప్రోమోని రిలీజ్ చేసారు. ప్రోమో ఆద్యంతం ఆక‌ట్టుకుంటుంది. బ్యాక్ గ్రౌండ్ థ‌మ‌న్ మాస్ బీట్లు ఫ్యాన్స్ లో పూన‌కాలు తెప్పిస్త‌న్నాయి. `ఎదురొచ్చే గాలి ఎగ‌రేస్తున్న చొక్కాపై గుండీ.. ఎగ‌బ‌డి ముంద‌ర‌కే వెళ్లిపోతాది నేనెక్కిన బండి` అంటూ సాగే పాట‌తో ప్రోమో మొద‌ల‌వుతుంది.
బ్యాక్ గ్రౌండ్ లో మ‌హ‌ష్ ఎలివేష‌న్లు అదిరిపోయాయి. గుంటూరు కారానికి మ‌సాలా బిర్యానీ ఘాటు తోడైతే ఎలా ఉంటుందో? మహేష్ ని వీలైన‌తంగా మాస్ కోణంలో హైలైట్ చేసారు. ఇది మహేష్ మాస్ ఎంట్రీ సాంగ్ లా ఉంది. కొన్ని సెక‌న్ల బీట్లుతో మాస్ ఆడియ‌న్స్ లో పూన‌కాలు తెప్పించాడు. ఫుల్ సాంగ్ లో గుంటూరోడి ఘాటు ఎలా ఉంటుందో చూపించ‌బోతున్నాడు. ఈ చిత్రానికి థ‌మ‌న్ సంగీతం అందిస్తున్న సంగతి తెలిసిందే.
మహేష్-థ‌మ‌న్ కాంబినేష్ గురించి చెప్పాల్సిన ప‌నిలేదు. గ‌తంలో `దూకుడు`..`బిజినెస్ మెన్` లాంటి చిత్రాల‌కు థ‌మ‌న్ బాణీలు అందించాడు. అవి మ్యూజికల్ గా సంచ‌ల‌నం సృష్టించాయి. దీంతో ఆగ‌డు సినిమాకి థ‌మ‌న్ ని తీసుకున్నారు. కానీ అది ఆశించిన ఫ‌లితాన్నివ్వ‌లేదు. ఆ త‌ర్వాత ఈ కాంబినేష‌న్ లో సినిమా రావ‌డం ఇదే. ఈ చిత్రాన్ని హాసిని-హారికా క్రియేష‌న్స్ నిర్మిస్తోంది.