కల్కి- గణపత్.. ఇవి గమనించారా​ ?

బాలీవుడ్ హీరో టైగర్‌ ష్రాఫ్ హీరోగా తెరకెక్కుతున్న ప్రతిష్టాత్మక చిత్రం గణపత్. తాజాగా ఈ మూవీ టీజర్ రిలీజై సినీ ప్రియులను, మరీ ముఖ్యంగా ప్రభాస్​ అభిమానులను షాక్​ అండ్ సర్​ప్రైజ్​కు గురి చేసింది. ఈ ప్రచార చిత్రం చూస్తుంటే.. ప్రతిఒక్కరికీ ప్రభాస్ నటిస్తున్న కల్కి 2898 ఏడి సినిమా మదిలో మెదులుతోంది.

రెండు కథలు, సినిమాలోని పాత్రలు ఇంచుమించు ఒకేలా అనిపిస్తున్నాయి. ముఖ్యంగా రెండు చిత్రాలు ఫ్యూచరిస్టిక్ డ్రామాగానే రానుండటం విశేషం. 2070 ఏడీతో ప్రారంభమైన​ గణపత్ టీజర్​లో​.. భవిష్యత్​లో తిండి కూడా దొరకని పరిస్థితుల్లో ఆహారం కోసం కొట్టుకునే మనుషులు ఉండటాన్ని చూపించారు. ఫైనల్​గా చెడును అంతం చేసేందుకు హీరో పుట్టాడు అంటూ ముగించారు.

ఇక ప్రభాస్ కల్కిలోనూ ఫైనల్ కాన్సెప్ట్​ చెడును అంతం చేసేందుకు కల్కిగా ప్రభాస్​ వస్తాడని అన్నారు. భవిష్యత్​లో తిండి కూడా దొరకనివ్వకుండా, మనుషులను బానిసలను చేసి చెడు ప్రపంచాన్ని పాలిస్తున్న సమయంలో హీరో ఎంట్రీ ఇచ్చి దాన్ని ఎలా ఎదుర్కొన్నాడనేదే కథ అని అన్నారు. అంటే ఇప్పుడు ఈ రెండు చిత్రాలు ఫ్యూచరిస్టిక్ డ్రామాగా.. ప్రపంచాన్ని కమ్మేసిన చెడుపై యుద్ధం చేసే వీరుడి కథే అని అర్థమైంది.

పాత్రలు కూడా చూసుకుంటే ప్రాజెక్ట్​లో చెడుపై యుద్ధం చేసేందుకు హీరో ప్రభాస్ కల్కిగా అవతారమెత్తితే..టైగర్ ష్రాఫ్ గణపత్​గా రానున్నారు. ప్రభాస్​ చేసే యుద్ధంలో ఆయనకు సాయంగా దీపికా పదుకొణె, వెనక ఉండి నడిపించే గాడ్​ఫాదర్​లా అమితాబ్ బచ్చన్​ కనిపించబోతుంటే.. గణ్​పత్​లో టైగర్​ ష్రాప్​కు కృతిసనన్, అమితాబ్​ బచ్చన్​ తోడుగా ఉండనున్నారని టీజర్ చూస్తే అర్థమవుతోంది.

ఇక కల్కి ఫస్ట్ పోస్టర్ బ్యాక్ గ్రౌండ్​, గణపత్ టీజర్ బ్యాక్ గ్రౌండ్ గమనిస్తే.. వాతవరణం, టైమ్​ లైన్​, గ్రాఫిక్స్, ఉపయోగించిన వెపన్, వెహికల్, యాక్షన్​​.. అన్ని దాదాపుగా ఒకే రకమైన ఫీలింగ్​ను కలిగిస్తున్నాయి. కల్కి చిత్రానికి ఇమిటేషన్ ప్రాడెక్ట్​ అన్న కామెంట్లు కూడా వినపడుతున్నాయి.

ఏదేమైనప్పటికీ గణపత్​తో పోలిస్తే.. కల్కి మరింత భారీ బడ్జెట్​తో రాబోతుంది. రియలిస్ట్​ గ్రాఫిక్స్​కు పెద్ద పీట వేస్తున్నట్లు మూవీటీమ్ మొదటి నుంచే చెబుతోంది. చూడాలి మరి ఒకే రకమైన కాన్సెప్ట్​తో రాబోతున్నా.. సినిమాలో స్క్రీన్​ ప్లే, నరేషన్, ట్విస్ట్​లు, గ్రాఫిక్స్​ను ఎలా తీర్చిదిద్దారో.. ​ కాగా, గణపత్ అక్టోబర్ 20న రానుండగా.. కల్కి వచ్చే ఏడాది రానుంది.