లీక్స్​ గోలలో.. గుంటూరు కారం..

దేశంలో లక్షల మందికి జీవనోపాధి కల్పిస్తున్న ఫిల్మ్ ఇండస్ట్రీని పట్టి పీడిస్తున్న అతిపెద్ద సమస్య పైరసీ, లీక్స్​. సినిమా షూటింగ్ సమయంలోనే.. సాంగ్స్, సీన్స్​ లేదా ఇతర సమాచారాలు వీడియో లేదా ఫొటోస్​ రూపంలో లీక్స్ అయిపోతున్నాయి​. ఈ సమస్య రోజు రోజుకు పెరిగిపోతోంది. రీసెంట్​గా తెలుగు చిత్రసీమలో ఈ సమస్య కోరలు చాస్తోంది. తాజాగా గుంటూరు కారం సినిమాకు ఈ బాధిత జాబితాలోకి చేరిపోయింది.

రీసెంట్​గా గేమ్ ఛేంజర్​, ప్రభాస్ కల్కి చిత్రాలకు సంబంధించి సాంగ్స్​, ఇతర సన్నివేశాలు లీక్ అయిన సంగతి తెలిసిందే. ఈ సమస్యను ఎలాగైనా అధిగమించేందుకు దానిపై మూవీమేకర్స్ లీగల్​ చర్యలు కూడా తీసుకునేందుకు సిద్ధమయ్యారు. సైబర్ క్రైమ్​ పోలీసులను కూడా ఆశ్రయించి ఫిర్యాదులు నమోదు చేశారు.

నిర్మాతలు దిల్​ రాజు, అశ్వినీదత్ తమ ప్రొడక్షన్ హౌస్ అధికార ట్విటర్​లో కంప్లైంట్ కాపీలను కూడా పోస్ట్ చేసి లీకర్స్​కు ముందస్త హెచ్చరికలు జారీ చేశారు. అయినా లీకర్స్​ వెనకడగు వేయట్లేదు. తాజాగా సూపర్ స్టార్ మహేశ్​ బాబు నటిస్తున్న గుంటూరు కారం సినిమా నుంచి ఓ ఇమేజ్ లీకైంది.

ప్రస్తుతం ఈ గుంటూరు సినిమా కీలక యాక్షన్ సీక్వెన్స్​ చిత్రీకరణ జరుపుకుంటోంది. మహేశ్​బాబు ఇతర పాత్రలపై దీనిని చిత్రీకరిస్తున్నారు. ఈ సమయంలోనే సినిమాకు సంబంధించిన ఓ ఇమేజ్​ బయటకు వచ్చేసింది. సోషల్ మీడియాలో తెగ చక్కర్లు కొడుతోంది. చాలా మంది దీన్ని తెగ షేర్ చేస్తున్నారు.

ఇది చూసిన అభిమానులు తెగ ఆందోళన చెందుతున్నారు. మూవీటీమ్​ మేకర్స్​.. మరింత పటిష్ట చర్యలు తీసుకోవాలని, ఏమీ లీక్​ కాకుండా ఉండేలా అత్యున్నత సాంకేతికను ఉపయోగించైనా సరే ఇటువంటి లీక్ చర్యలను అడ్డుకోవాలని సూచిస్తున్నారు. రామ్​ చరణ్​ గేమ్​ ఛేంజర్​, ప్రభాస్ కల్కి సినిమా మేకర్స్ చేసినట్టుగానే గుంటూరు కారం మేకర్స్​ కూడా లీగల్​ యాక్షన్ తీసుకోవాలని విజ్ఞప్తి చేస్తున్నారు. ఇకపోతే ఈ సినిమా వచ్చే ఏడాది సంక్రాంతి కానుకగా రిలీజ్ కానుంది. సినిమాలో శ్రీలీల, మీనాక్షి చౌదరి హీరోయిన్లుగా నటిస్తున్నారు.