హాయ్ నాన్నతో యానిమల్.. ఇది మ్యాటర్
తాజాగా ఇంటర్వ్యూ కి సంబంధించిన ప్రోమో రిలీజ్ అయింది. ఇందులో మొదట నాని సందీప్ రెడ్డిని కొన్ని ప్రశ్నలు అడిగాడు.
డైరెక్టర్ సందీప్ రెడ్డి వంగ 'యానిమల్' ప్రమోషన్స్ విషయంలో ఎక్కడ తగ్గడం లేదు. సినిమాపై మరింత హాహైప్య్ క్రియేట్ చేసేందుకు సౌత్జ్ నార్త్ అనే తేడా లేకుండా అన్ని భాషల్లోనూ ప్రమోషన్స్ ప్లాన్ చేసి బ్యాక్ టు బ్యాక్ ఇంటర్వ్యూస్ ఇస్తున్నారు. ముఖ్యంగా తెలుగులో యానిమల్ ప్రమోషన్స్ ఓ రేంజ్ లో సాగుతున్నాయి. ఇప్పటికే వరుస ప్రెస్ మీట్స్, ఇంటర్వ్యూస్ తో పాటు బాలయ్య అన్ స్టాపబుల్ షోలో అనిమల్ టీమ్ సందడి చేసిన విషయం తెలిసిందే.
ఇక తాజాగా సందీప్ చాలా డిఫరెంట్ గా ఓ ఇంటర్వ్యూ ప్లాన్ చేశాడు. అది కూడా నాచురల్ స్టార్ నానితో. డిసెంబర్ 1న యానిమల్ థియేటర్స్ లోకి వస్తుంటే, డిసెంబర్ 7న నాని నటించిన హాయ్ నాన్న రిలీజ్ అవుతుంది. ఈ రెండు సినిమాల ప్రమోషన్స్ జోరుగా సాగుతున్నాయి. ఈ క్రమంలోనే ఈ రెండు సినిమాల ప్రమోషన్స్ ఒకే ఇంటర్వ్యూ లాగా నాని, సందీప్ వంగా ప్లాన్ చేయడం విశేషం.
తాజాగా ఇంటర్వ్యూ కి సంబంధించిన ప్రోమో రిలీజ్ అయింది. ఇందులో మొదట నాని సందీప్ రెడ్డిని కొన్ని ప్రశ్నలు అడిగాడు. దేశమంతా వెయిట్ చేస్తున్న సినిమా రిలీజ్ ముందు ఎలా ఉంది? అని అడిగితే అలాగే ఉందని నవ్వుతూ చెప్పారు సందీప్. అంతే కాకుండా యానిమల్ స్టార్ట్ చేసి సంవత్సరంన్నర అయిందని, రిలీజ్ కి ఇంకా వన్ మంత్ ఇస్తే బాగుండు అనిపిస్తోంది అంటూ నాని అడిగిన ప్రశ్నలకు బదులిచ్చారు.
ఆ తర్వాత అనిమల్ మూవీలో రణబీర్ యంగ్ ఏజ్ లో ఉండే సీన్స్ ని నాలుగు, ఐదు సంవత్సరాల క్రితం షూట్ చేశాం అని చెప్పగానే.. అప్పటి విజువల్ కి ఇప్పటికి ఉన్న తేడా ఏంటి? అని అడిగితే కొన్నిసార్లు దానికి మించి తీసాం, కొన్నిసార్లు తీయలేకపోయాం అంటూ సందీప్ రెడ్డి చెప్పుకొచ్చాడు. ఆ తర్వాత సందీప్ నాని సినిమా విశేషాల గురించి అడిగి తెలుసుకున్నారు. హాయ్ నాన్న లో మీ లైఫ్ గురించి మీ కూతురికి చెబుతారా? సినిమాలో వాళ్ళ అమ్మగారు చనిపోతారా? అని అడిగితే..
అందుకు నాని నవ్వుతూ అన్ని రిలీజ్ తర్వాతే అని ఆన్సర్ ఇచ్చాడు. మీ సినిమా లెంత్ ఎంత అని నానిని అడిగితే మీ కంటే ఒక గంట తక్కువ అంటు నాని చెప్పాడు. తర్వాత యానిమల్ లెంత్ కట్ చేద్దామని రెండు రోజులు కూర్చున్న, దాదాపు 8 నిమిషాలు ట్రిమ్ చేశా అంటూ యానిమల్ రన్ టైం గురించి సందీప్ చెప్పడం ఇందులో చూపించారు. ఇక చివరగా ఫస్ట్ డే యానిమల్ మూవీ చూసి మీకు ఫోన్ చేస్తా అని నాని సందీప్ తో చెప్పారు. అలా ఇద్దరు తమ తమ సినిమా విశేషాల గురించి మరెన్నో విషయాలు పంచుకున్నారు. నవంబర్ 30న ఫుల్ ఇంటర్వ్యూ రాబోతోంది.