ఆ డైరెక్ట‌ర్ కి ఛాన్స్ ఇవ్వ‌ని సూప‌ర్ స్టార్!

సూప‌ర్ స్టార్ ర‌జనీకాంత్ హీరోగా నెల్స‌న్ దీలీప్ కుమార్ తెర‌కెక్కించిన 'జైల‌ర్' ఎంత పెద్ద విజ‌యం సాధించిందో తెలిసిందే. కొన్ని ప‌రాజ‌యాల త‌ర్వాత సూప‌ర్ స్టార్ ని కంబ్యాక్ చేసిన చిత్ర‌మిది. బాక్సాఫీస్ వ‌ద్ద 700 కోట్ల వ‌సూళ్ల‌తో సూప‌ర్ స్టార్ షేక్ చేసారు. ఈ విజ‌యం త‌ర్వాత నెల్స‌న్ రేంజ్ మారిపోయింది. అంత‌కు ముందు బీస్ట్ ప్లాప్ తో ఎన్నో విమ‌ర్శ‌లు ఎదుర్కున్న నెల్స‌న్ హిట్ తో ధీటైన స‌మాధానం ఇచ్చాడు.

అయితే తాజాగా త‌న‌కు రావాల్సిన అవ‌కాశాన్ని నెల్సన్ త‌న్నుకుపోయాడంటూ మ‌రో ద‌ర్శ‌కుడు వెంక‌ట్ ప్ర‌భు ఒక్క‌సారిగా ఓపెన్ అయ్యాడు. ఛాన్స్ త‌నకి ఇవ్వ‌డం ప‌ట్ల ఫీల్ అవ్వ‌లేదు కానీ..న‌వ్వుతూనే త‌న ఛాన్స్ కు ఎగ‌రేసుకుపోయాడ‌న్నాడు. తాను ర‌జ‌నీకాంత్ కి ఓస్టోరీ చెప్పాన‌ని...కానీ అది న‌చ్చ‌క నెల్స‌న్ చెప్పిన స్టోరీ కి లాక్ అయిన‌ట్లు తెలిపాడు. అయితే ఇక్క‌డే ఓ క‌న్ ప్యూజ‌న్ నెల‌కొంది.

ఇది జ‌రిగిపోయిన విష‌య‌మా? జ‌ర‌గాల్సిన విష‌య‌మా? అన్న‌ది అర్దం కాని స‌న్నివేశం. నెల్స‌న్ కి ర‌జ‌నీకాంత్ ఛాన్స్ ఇచ్చింది రెడ‌వ‌సారా? లేక జైల‌ర్ ప్రాజెక్ట్ గురించి నా? అంటూ అభిమానులు సందేహ ప‌డుతున్నారు. ప్ర‌స్తుతం వెంక‌ట్ ప్ర‌భుకూడా ప్లాప్ ల్లోనే ఉన్నాడు. అత‌ని గ‌త సినిమా నాగ‌చైత‌న్య హీరోగా `క‌స్ట‌డీ` తెర‌కెక్కించిన సంగ‌తి తెలిసిందే. కానీ ఆ సినిమా ప‌రాజ‌యం చెందింది. తీవ్ర విమ‌ర్శ‌లు ఎదుర్కున్నాడు.

స‌రిగ్గా ఇదే స‌మ‌యంలో వెంక‌ట్ ప్ర‌భు త‌ల‌ప‌తి విజ‌య్ తో `గ్రేటెస్ట్ ఆఫ్ ఆల్ టైమ్` ప‌ట్టాలెక్కించాడు. ఇది ప్ర‌యోగాత్మ‌క చిత్రంగా తెలుస్తుంది. ఇప్ప‌టికే రిలీజ్ అయిన ప్ర‌చార చిత్రాలైతే సినిమాకి ఏమాత్రం బ‌జ్ తీసుకురాలేదు. కోలీవుడ్ తో పాటు టాలీవుడ్ లోనూ అదే ప‌రిస్థితి. ఈ నేప‌థ్యంలో నా ఛాన్స్ నెల్సన్ త‌న్నుకుపోయాడంటూ వ్యాఖ్యానించాడు. మ‌రి ఇవ‌న్నీ చూసి ర‌జ‌నీకాంత్ వెంక‌ట్ ప్ర‌భుకి ఛాన్స్ ఇవ్వ‌లేదా? లేక అది గ‌తించిన సంగ‌తా? అన్న‌ది తేలాలి.