'మహానటి' బాలీవుడ్ ఎంట్రీ ఇంట్రస్టింగ్ అప్‌డేట్‌

తమిళ ముద్దుగుమ్మ కీర్తి సురేష్‌ కోలీవుడ్‌ లో తన సినీ ప్రస్థానం ను మొదలు పెట్టింది. యంగ్ స్టార్ హీరోల కు జోడీ గా కీర్తి సురేష్‌ చాలా సినిమా లో నటించింది. తెలుగు లో నేను శైలజ సినిమా తో మంచి పేరు ను సొంతం చేసుకుంది. ఆ సమయం లోనే 'మహానటి' వంటి ఒక మంచి సినిమా లో నటించే అవకాశం కీర్తి సురేష్ కి రావడంతో వెనక్కి తిరిగి చూసుకోకుండా స్టార్‌ డం లభించింది.

మహానటి సినిమా కేవలం తెలుగు భాష కు పరిమితం అవ్వలేదు.. పాన్ ఇండియా రేంజ్ లో భారీ విజయాన్ని సొంతం చేసుకున్న విషయం తెల్సిందే. మహానటి సినిమా తర్వాత కీర్తి సురేష్ ఒక వైపు లేడీ ఓరియెంటెడ్ సినిమాలు చేస్తూ మరో వైపు హీరోల కు జోడీ గా కమర్షియల్ సినిమాలు చేస్తూ వచ్చింది. అయితే వాటిల్లో కొన్ని మరీ తీవ్రంగా నిరాశ పరిచాయి.

సక్సెస్‌.. ఫ్లాప్స్ తో సంబంధం లేకుండా టాలీవుడ్‌.. కోలీవుడ్ లో వరుస సినిమాలు చేస్తున్న కీర్తి సురేష్ కి తాజాగా బాలీవుడ్‌ నుండి పిలుపు వచ్చింది. కీర్తి సురేష్ మొదటి బాలీవుడ్ సినిమా కన్ఫర్మ్‌ అయింది. తమిళ దర్శకుడు కాలీస్ దర్శకత్వంలో బాలీవుడ్ యంగ్‌ స్టార్‌ హీరో వరుణ్‌ ధావన్‌ హీరో గా రూపొందబోతున్న సినిమాలో కీర్తి సురేష్ హీరోయిన్‌ గా ఎంపిక అయింది.

వరుణ్‌ ధావన్‌ ఇటీవలే సమంత తో కలిసి సిటాడెల్ లో నటించిన విషయం తెల్సిందే. ఇప్పుడు వెంటనే మరో సౌత్‌ స్టార్ హీరోయిన్ అయిన కీర్తి సురేష్ తో నటించేందుకు ఓకే చెప్పడం జరిగింది. ప్రస్తుతం స్క్రిప్ట్‌ వర్క్‌ జరుపుకుంటున్న ఈ సినిమా షూటింగ్ అతి త్వరలో ప్రారంభం కాబోతుంది. మే 31 - 2024 న సినిమా విడుదల అయ్యేలా ప్లాన్‌ చేస్తున్నారట.

కోలీవుడ్‌ లో కాస్త పర్వాలేదు అన్నట్లుగా కీర్తి సురేష్ కెరీర్‌ సాగుతుంది కానీ టాలీవుడ్ లో మాత్రం ఆశించిన స్థాయిలో దూసు కు పోవడం లేదు. గత ఏడాది మహేష్ బాబు తో నటించిన సర్కారు వారి పాట మంచి విజయాన్ని సొంతం చేసుకుంది.. దసరా కూడా ఆకట్టుకుంది. కానీ పెద్ద హీరోల సినిమాల్లో మాత్రం నటించేందుకు కొత్తగా ఆఫర్లు రావడం లేదు.

చిరంజీవి భోళా శంకర్ సినిమా లో చెల్లి పాత్రలో కీర్తి సురేష్ నటించిన విషయం తెల్సిందే. ఆ సినిమా విడుదల అయిన తర్వాత కీర్తి సురేష్ కు ఏమైనా ఆఫర్లు దక్కుతాయేమో చూడాలి. వరుణ్‌ ధావన్‌ సినిమా తో హిందీ లో ఎంట్రీ ఇచ్చి అక్కడే బిజీ అయ్యేనా చూడాలి.