కేశవ ఈజ్ బ్యాక్.. ఫుల్ స్వింగ్ లో బిగ్ హీరో షూటింగ్

టాలీవుడ్ మోస్ట్ అవైటెడ్ మూవీస్ లో ఐకాన్ స్టార్ అల్లు అర్జున్ పుష్ప-2 ఒకటి. పుష్ప-1 పాన్ ఇండియా లెవెల్ లో బ్లాక్ బస్టర్ హిట్ కావడంతో ఈ సినిమాపై భారీ అంచనాలు నెలకొన్నాయి. ఇక నార్త్ లో ఈ మూవీపై ఓ రేంజ్ లో క్రేజ్ ఉంది. దీంతో చిత్ర యూనిట్ బాగా కష్టపడుతోంది. ప్రస్తుతం ఈ సినిమా షూటింగ్.. హైదరాబాద్ లోని రామోజీ ఫిల్మ్ సిటీలో జరుగుతోంది.

అయితే ఈ సినిమాను ఆగస్టు 15వ తేదీన విడుదల చేస్తామని మేకర్స్ ఇదివరకే ప్రకటించారు. కానీ ఈ మూవీ షూటింగ్ చాలా పెండింగ్ ఉందని, అందుకే రిలీజ్ లేట్ అవుద్దని వార్తలు వచ్చాయి. దీంతో మేకర్స్ ఇటీవలే స్పందించారు. చెప్పిన తేదీకే కచ్చితంగా చిత్రాన్ని రిలీజ్ చేస్తామని ప్రకటించారు. పోస్ట్ పోన్ వార్తలను ఖండించి స్పెషల్ పోస్టర్ ను కూడా రిలీజ్ చేశారు.

ఇది పక్కన పెడితే.. పుష్ప-1లో అల్లు అర్జున్ స్నేహితుడు కేశవ పాత్రలో నటించిన జగదీశ్ ఓ కేసులో గతేడాది అరెస్టైన విషయం తెలిసిందే. ఇప్పుడు అతడు పుష్ప-2 సెట్స్ లోకి రీ ఎంట్రీ ఇచ్చాడు. తాజాగా ఆ కేసులో బెయిల్ పై బయటకొచ్చిన అతడు.. షూట్ లో జాయిన్ అయ్యాడు. దీంతో అతడి పాత్రకు సంబంధించిన సీన్లను మేకర్స్ షూట్ చేస్తున్నారు. బ్రేక్ లేకుండా కంప్లీట్ చేస్తున్నారట.

అయితే జగదీశ్ షూటింగ్ లో పాల్గొనడం పట్ల నెట్టింట భిన్నాభిప్రాయాలు వ్యక్తమవుతున్నాయి. బెయిల్ పై వచ్చిన వ్యక్తిని మళ్లీ సినిమాలో ఇన్వాల్వ్ చేయడం కరెక్ట్ కాదని కొందరు నెటిజన్లు అంటున్నారు. అయితే అలా చేయాల్సి వచ్చిందంటే.. అతడి రోల్ కీలకమై ఉంటుందని మరి కొందరు చెబుతున్నారు. అతడికి బదులు మరో వ్యక్తిని తీసుకుంటే.. ఇప్పటికే పూర్తైన షూట్ పార్ట్ అంతా వేస్ట్ అవుతుందని వాదిస్తున్నారు.

పలు తెలుగు సినిమాల్లో జగదీశ్ నటించినా.. అతడికి పేరు తెచ్చింది మాత్రం పుష్ప మూవీనే. ఈ సినిమాతో పాన్ ఇండియా క్యారెక్టర్ ఆర్టిస్ట్ గా మారిపోయాడు. ఆ తర్వాత సత్తి గాని రెండు ఎకరాలు అనే ఓటీటీ మూవీలో హీరోగా నటించాడు. అంబాజీపేట మ్యారేజి బ్యాండ్, పుష్ప 2తో పాటు మరికొన్ని ఆఫర్స్ అందుకున్నాడు. కానీ ఇంతలోనే అరెస్టయ్యాడు. ఇప్పుడు బెయిల్ పై బయటకొచ్చాడు.