కుబేర.. సో కూల్ గా నేషనల్ క్రష్!

నేషనల్ అవార్డ్ విన్నింగ్ ఫిల్మ్ మేకర్ శేఖర్ కమ్ముల ప్రస్తుతం కుబేర సినిమాను తెరకెక్కిస్తున్న విషయం తెలిసిందే. మోస్ట్ అవైటెడ్ పాన్ ఇండియా మూవీస్ లో ఒకటిగా నిలిచిన ఆ సినిమాలో కోలీవుడ్ స్టార్ హీరో ధనుష్, టాలీవుడ్ కింగ్ నాగార్జున, నేషనల్ క్రష్ రష్మిక మందన్న మెయిన్ లీడ్ రోల్స్ లో నటిస్తున్నారు. తమిళ, తెలుగు స్టార్స్ కలిసి నటిస్తుండడం.. శేఖర్ కమ్ముల డిఫరెంట్ గా ట్రై చేస్తుండడంతో కుబేరపై మంచి అంచనాలు నెలకొన్నాయి.

ఇప్పటికే కుబేర నుంచి మేకర్స్.. నాగార్జున, ధనుష్, రష్మిక ఫస్ట్ లుక్స్ ను రిలీజ్ చేశారు. నేషనల్ క్రష్ క్యారెక్టర్ గ్లింప్స్ ను కూడా విడుదల చేశారు. రీసెంట్ గా మరో కొత్త పోస్టర్ ను రివీల్ చేసిన విషయం తెలిసిందే. నాగార్జున, రష్మిక, ధనుష్ ముగ్గురూ ఉన్న ఆ పోస్టర్.. మంచి రెస్పాన్స్ అందుకుంది. ఆ సమయంలో క్రేజ్ అప్డేట్ ఇచ్చారు మేకర్స్. కార్తీక పౌర్ణమి నాడు నవంబర్ 15వ తేదీన టీజర్ ను విడుదల చేయనున్నట్లు వెల్లడించారు.

తాజాగా ఇంకో పోస్టర్ ను రిలీజ్ చేశారు మేకర్స్. టీజర్ రిలీజ్ డేట్ ను మరోసారి గుర్తు చేశారు. కొత్త పోస్టర్ లో రష్మిక చాలా కూల్ గా కనిపిస్తున్నారు. బ్యాక్ గ్రౌండ్ లో ముంబై సీ అండ్ బ్రిడ్జ్ తో పోస్టర్ అదిరిపోయింది. సినిమాలో ఆమె చాలా సింపుల్ గా కనిపించనున్నట్లు పోస్టర్ ద్వారా క్లియర్ గా అర్థమవుతుంది. ఎంతో అందంగా కనిపిస్తున్న రష్మిక ఉన్న నయా పోస్టర్ ఇప్పుడు సోషల్ మీడియాలో వైరల్ గా మారింది. మంచి రెస్పాన్స్ అందుకుంటోంది.

రష్మిక పోస్టర్ సూపర్ గా ఉందని నెటిజన్లు కామెంట్లు పెడుతున్నారు. సినిమాలో యాక్టింగ్ తో ఆమె కచ్చితంగా అలరించనున్నట్లు తెలుస్తోందని అంటున్నారు. అయితే కుబేర సినిమాలో ధనుష్ బిచ్చగాడిలా నటిస్తున్నారని సమాచారం. ఆయన రోల్ కు సంబంధించిన అనేక వార్తలు చక్కర్లు కొడుతున్నాయి. మూవీ అంతా డబ్బు చుట్టూ తిరుగుతుందని తెలుస్తుంది.

కుబేర సినిమాను శ్రీ వెంకటేశ్వర సినిమాస్ ఎల్‌ ఎల్ పీ, అమిగోస్ క్రియేషన్స్ ప్రైవేట్ లిమిటెడ్ బ్యానర్‌ పై సునీల్ నారంగ్, పుస్కుర్ రామ్ మోహన్ రావు సంయుక్తంగా గ్రాండ్ నిర్మిస్తున్నారు. పాన్ ఇండియా మల్టీ లాంగ్వేజ్ ఫిల్మ్ గా తమిళం, తెలుగులో ఒకేసారి షూటింగ్ చేస్తున్నారు. రాక్‌ స్టార్ దేవి శ్రీ ప్రసాద్ మ్యూజిక్ డైరెక్టర్ గా వ్యవహరిస్తున్నారు. నికేత్ బొమ్మి సినిమాటోగ్రఫీ బాధ్యతలు నిర్వర్తిస్తున్నారు. మరి కుబేర ఎప్పుడు రిలీజ్ అవుతుందో చూడాలి.