గ్లోబల్ రేంజ్ లో కుర్చీ మడతపెట్టి..

టాలీవుడ్ సూపర్ స్టార్ మహేష్ బాబు, శ్రీలీల, మీనాక్షి చౌదరి ప్రధాన పాత్రల్లో నటించిన "గుంటూరు కారం" సినిమా 2024 సంక్రాంతికి ప్రేక్షకుల ముందుకు వచ్చిన విషయం తెలిసిందే. త్రివిక్రమ్ శ్రీనివాస్ దర్శకత్వంలో వచ్చిన ఈ చిత్రం మాస్ ఫ్యామిలీ ఎంటర్టైనర్‌గా భారీ అంచనాల నడుమ విడుదలైంది. అయితే సినిమా బాక్సాఫీస్ వద్ద ఆశించిన స్థాయి విజయాన్ని అందుకోకపోయినా, ఓ వర్గం ఫ్యాన్స్ హృదయాల్లో ప్రత్యేక స్థానం సంపాదించుకుంది. ముఖ్యంగా ఈ చిత్రంలోని కొన్ని ఎలిమెంట్స్ సినిమా స్థాయిని మరింతగా పెంచాయి.

ఈ సినిమాలో "కుర్చీ మడతపెట్టి" అనే పాట ఊహించని స్థాయిలో క్రేజ్ అందుకుంది. ఈ పాటకు థమన్ సంగీతం అందించగా, రామజోగయ్య శాస్త్రి రచించిన సాహిత్యం అద్బుతంగా వర్కౌట్ అయ్యింది. ఇక మహేష్ బాబు స్టైల్‌లో వున్న ప్రెజెన్స్ ప్రేక్షకులపై అద్భుతమైన ప్రభావాన్ని చూపింది. ఈ పాట విడుదలైన నాటి నుంచి యూట్యూబ్‌లో దూసుకుపోతూ, 2024 సంవత్సరానికి గ్లోబల్ టాప్ సాంగ్స్‌లో ఒకటిగా నిలిచింది.

ఇది కేవలం మన దేశంలోనే కాకుండా అనేక ఇతర దేశాల్లోనూ ప్రజాదరణ పొందడం విశేషం. ఈ సాంగ్ కేవలం వ్యూస్ పరంగా మాత్రమే కాకుండా, పాప్ కల్చర్‌లోనూ తనదైన ముద్ర వేసింది. సినిమా విడుదల అనంతరం సాంగ్ వ్యూస్ కోట్లలోనే ఉండడం గమనార్హం. ఇప్పటివరకు 526 మిలియన్స్ కు పైగా వ్యూస్ వచ్చాయి. ఇది మ్యూజిక్ లవర్స్‌కి మాత్రమే కాకుండా సామాన్య ప్రేక్షకులకు కూడా కనెక్ట్ అయ్యేలా రూపొందింది.

"కుర్చీ మడతపెట్టి" పాట సోషల్ మీడియాలో కాలా పాషా అనే ఒక వ్యక్తి నుంచి పుట్టిన విషయం తెలిసిందే. ఇక మహేష్ బాబు చూపించిన అటిట్యూడ్, స్టైల్ ఈ పాటను ఒక లెవల్‌కు తీసుకెళ్లింది. పల్లెల నుంచి పట్టణాల వరకు అన్ని వర్గాల ప్రేక్షకులు ఈ పాటను ఆదరించడంతో పాట గ్లోబల్ లెవల్‌లో ప్రత్యేక గుర్తింపును తెచ్చుకుంది.

త్రివిక్రమ్ దర్శకత్వంలో వచ్చిన సినిమాలలో సాంగ్స్ ఎప్పుడు ప్రత్యేకంగా ఉంటాయని ఈ సాంగ్ తో మరో క్లారిటీ వచ్చేసింది. ఇక మహేష్ బాబు పాత్ర మాస్ అండ్ స్టైలిష్‌గా ఉండటం చిత్రానికి పెద్ద అట్రాక్షన్‌గా మారింది. అయితే సినిమా కథాపరంగా అన్ని వర్గాల ప్రేక్షకులను మెప్పించలేకపోయినప్పటికీ, సంగీతం, పాటలు, డైలాగ్‌లు మాత్రం సినిమాను నిలబెట్టాయి. హారికా హాసిని క్రియేషన్స్ నిర్మించిన ఈ చిత్రానికి సంబంధించిన ప్రమోషనల్ కంటెంట్ కూడా సినిమాపై ఆసక్తిని పెంచడంలో కీలక పాత్ర పోషించింది.

మహేష్ బాబు కెరీర్‌లో పాటలు ఎప్పుడూ ప్రత్యేక గుర్తింపును తెచ్చుకున్నాయి. కానీ "కుర్చీ మడతపెట్టి" పాట మాత్రం ప్రత్యేక స్థాయికి చేరుకుంది. ఈ సాంగ్ ప్రేక్షకుల్లో సరికొత్త ట్రెండ్‌ను సృష్టించింది. ఇది కేవలం పాటగానే కాకుండా మహేష్ బాబు స్టార్‌డమ్‌కు ఒక చిహ్నంగా నిలిచింది. సినిమా విడుదలైనప్పటి నుంచి మహేష్ ఫ్యాన్స్ ఈ పాటను సోషల్ మీడియాలో విస్తృతంగా షేర్ చేస్తూ, పాటను ఎండ్లెస్ ఫెస్టివల్‌గా మార్చారు. మొత్తానికి "గుంటూరు కారం" బాక్సాఫీస్ విజయాన్ని అందుకోకపోయినా, "కుర్చీ మడతపెట్టి" పాట మాత్రం సినిమా పేరును ప్రపంచవ్యాప్తంగా వినిపించించింది.