త‌ల్లి చీర‌లో పెళ్లికుమార్తె గా లావ‌ణ్య త్రిపాఠి!
వ‌రుణ్ తేజ్-లావ‌ణ్య త్రిపాఠిల పెళ్లి నేప‌థ్యంలో ఇట‌లీలో మెగా కుటుంబమంతా హ‌డావుడిగా ఉంది. ఇప్ప‌టికే ఇటలీకి చేరుకోవాల్సిన వాళ్లంతా చేరుకున్నారు. అంతా పెళ్లి ప‌నుల్లో నిమ‌గ్న‌మ‌య్యారు.
వ‌రుణ్ తేజ్-లావ‌ణ్య త్రిపాఠిల పెళ్లి నేప‌థ్యంలో ఇట‌లీలో మెగా కుటుంబమంతా హ‌డావుడిగా ఉంది. ఇప్ప‌టికే ఇటలీకి చేరుకోవాల్సిన వాళ్లంతా చేరుకున్నారు. అంతా పెళ్లి ప‌నుల్లో నిమ‌గ్న‌మ‌య్యారు. మ‌రో రెండు రోజులే స‌మ‌యం ఉండ‌టంతో! ఎక్క‌డా ఎలాంటి లోటు పాట్లు లేకుండా వివాహం జ‌రిపించాల‌ని స‌మాయ‌త్తం అవుతున్నారు. ఈ నేప‌థ్యంలో ఇట‌లీ నుంచి ఇంట్రెస్టింగ్ విష‌యం ఒక‌టి లీకైంది.
31 హ‌ల్దీ వేడుక..మెహందీ వేడుక‌లు గ్రాండ్ గా సెల‌బ్రేట్ చేస్తున్నారు. వీటిలో భాగంగా పెళ్లి కుమార్తె లావ‌ణ్య హ‌ల్దీ వేడుక కోసం త‌న త‌ల్లి ధ‌రించిన చీర క‌ట్టుకోనుంద‌ని స‌మాచారం. త‌న త‌ల్లి జ్ఞాప‌కంగా ఉంటుంద‌ని లావ‌ణ్య ఈ నిర్ణ‌యం తీసుకున్న‌ట్లు తెలుస్తోంది. ఆ చీర‌ని కేప్ లెహంగాలో ప్ర‌త్యేకంగా డిజైన్ చేసారుట. స‌రిగ్గా ఇదే సెంటిమెంట్ ని మెగా డాట‌ర్ నిహారిక కూడా వివాహ స‌మ‌యంలో ఫాలో అయింది.
త‌ల్లి చీర‌నే ధ‌రించి పెళ్లి కుమార్తెగా ముస్తాబైంది. అప్పుడు నిహారిక..ఇప్పుడు మెగా ఇంటికి కోడ‌లిగా వెళ్ల‌బోతున్న లావ‌ణ్య కూడా త‌ల్లి చీర‌తో ముస్తాబ‌వ్వ‌డం ఆస‌క్తిక‌రం. గ‌తంలో బాలీవుడ్ హీరోయిన్లు క‌రీనా క‌పూర్.. యామీ గౌత‌మ్.. మిహీకా బ‌జాజ్..అలియాభ‌ట్ కూడా ఇదే సెంటిమెంట్ లో వెళ్లారు. అమ్మ‌పై త‌మ‌కున్న ప్రేమ‌ని త‌ల్లి చీర‌లు ధ‌రించి చాటారు. ల‌క్షల ఖ‌రీదుగ‌ల దుస్తులున్నా..త‌ల్లి చీర ముదు అన్ని చిన్న‌వే అని చాటా చెప్పారు.
ఇక పెళ్లి కోసం మ‌నీష్ మ‌ల్హోత్రా స్టోర్ నుంచి లావ‌ణ్య-వ‌రుణ్ షాపింగ్ చేసిన సంగ‌తి తెలిసిందే. మూడు రోజుల వేడుక సంద‌ర్భంగా అందుకు త‌గ్గ‌ట్టు ముంబైలో షాపింగ్ చేసారు. ఆ ప్ర‌త్యేక‌మైన వస్త్రాల్లో కాబోయే దంప‌తులిద్ద‌రు క‌నిపించ‌నున్నారు. హ‌ల్దీ వేడుక‌కు వ‌రుణ్ ప‌సుపు కుర్తా ధ‌రించ‌నున్నార‌ని తెలుస్తోంది. వ‌రుణ్ ఎత్తైన మ‌నిషి కాబ‌ట్టి అందుకు త‌గ్గ‌ట్టు ప్ర‌త్యేకంగా కొన్ని దుస్తులు సిద్దం చేసిన‌ట్లు స‌మాచారం.