ఆ డైరెక్టర్ మహేష్ తో లైన్ చేస్తే..!

పవర్ స్టార్ పవన్ కళ్యాణ్ ఓజీ టీజర్ చూసిన తర్వాత డైరెక్టర్ సుజిత్ గురించి సోషల్ మీడియాలో పెద్ద డిస్కషన్ నడుస్తుంది. రన్ రాజా రన్ సినిమా డైరెక్ట్ చేసిన అతను మొదటి సినిమాతోనే హిట్ అందుకున్నాడు. ఆ తర్వాత బాహుబలి లాంటి పాన్ ఇండియా హిట్ అందుకున్న ప్రభాస్ ని సాహో అంటూ డైరెక్ట్ చేశాడు. ఆ సినిమా కమర్షియల్ గా వర్క్ అవుట్ కాకపోయినా సుజిత్ టేకింగ్ కి మంచి మార్కులే పడ్డాయి. టెక్నికల్ గా సుజిత్ కి ఉన్న గ్రిప్ గురించి అందరు ప్రశంసించారు. ఇక ఆ తర్వాత ఒకటి రెండు అవకాశాలు వచ్చినా చేయనని చెప్పిన సుజిత్ ఫైనల్ గా ఓజీ తో వస్తున్నాడు.

పవన్ కళ్యాణ్ తో గ్యాంగ్ స్టర్ బ్యాక్ డ్రాప్ కథని తెరకెక్కిస్తున్న సుజిత్ ఓజీ అంటూ ఫస్ట్ గ్లింప్స్ తోనే షేక్ చేస్తున్నాడు. ఇక ఈ టీజర్ చూసిన మిగతా స్టార్ హీరోల ఫ్యాన్స్ మా హీరోతో కూడా సుజిత్ ఇలాంటి ఒక సినిమా చేస్తే బాగుంటుందని అంటున్నారు. ముఖ్యంగా సూపర్ స్టార్ మహేష్ ఫ్యాన్స్ సుజిత్ టేకింగ్ కి ఫిదా అవుతున్నారు. ఓజీ టీజర్ చూశాక సుజిత్ మహేష్ కాంబోలో సినిమా వస్తే నెక్స్ట్ లెవెల్ ఉంటుందని సోషల్ మీడియాలో చర్చిస్తున్నారు.

గ్యాంగ్ స్టర్ కథలు మహేష్ కి కొత్తేమి కాదు కానీ పాన్ ఇండియా స్కేల్ లో OG లా ప్రెజెంట్ చేయగలిగే డైరెక్టర్ అయితే బాగుంటుందని ఫ్యాన్స్ కోరుతున్నారు. ఓజీ టీజర్ చూశాక మరెవరో ఎందుకు ఆ ఛాన్స్ ఏదో సుజిత్ కి ఇచ్చేస్తే బెటర్ అని అంటున్నారు. ఆల్రెడీ ప్రభాస్ బాహుబలి తర్వాత సుజిత్ డైరెక్షన్ లోనే చేశాడు కాబట్టి మహేష్ కూడా రాజమౌళి సినిమా తర్వాత సుజిత్ తో సినిమా చేస్తే బెటర్ అని చెబుతున్నారు. సుజిత్ డైరెక్షన్ లో మహేష్ ఐడియా అదిరింది కానీ ఈ కాంబో సినిమా ఎప్పటికి సెట్ అవుతుంది అన్నది చూడాలి.

ప్రస్తుతం మహేష్ గుంటూరు కారం సినిమా చేస్తున్నాడు. ఆ సినిమా తర్వాత రాజమౌళి సినిమా సెట్స్ మీదకు వెళ్తుంది. జక్కన్న సినిమా కోసం వర్క్ షాప్స్ కూడా మొదలు పెడుతున్నారు. 2024 మిడిల్ లో మహేష్ రాజమౌళి సినిమా సెట్స్ మీదకు వెళ్తుందని టాక్. 2026 లో ఆ సినిమా రిలీజ్ ఉండొచ్చని చెప్పుకుంటున్నారు.