మణిశర్మ.. మళ్ళీ మరో గోల్డెన్ ఛాన్స్

టాలీవుడ్ ఇండస్ట్రీలో ఉన్న దాదాపు అందరూ సీనియర్ హీరోలతో వర్క్ చేయడమే కాకుండా ఆ తర్వాత జనరేషన్ హీరోలకు కూడా బెస్ట్ మ్యూజిక్ ఇచ్చిన వారిలో మణిశర్మ కూడా ఉన్నారు అని చెప్పవచ్చు. మెలోడీ బ్రహ్మగ తనకంటూ ఒక ప్రత్యేకమైన గుర్తింపు అందుకున్న మణిశర్మ దగ్గరే ఒకప్పుడు థమన్ దేవిశ్రీప్రసాద్ లాంటి వాళ్లు వర్క్ చేశారు.

అయితే మణిశర్మ మాత్రం ఇప్పుడు వారి స్థాయిలో ఆకట్టుకోలేకపోతున్నాడు. ఆయన మెలోడీ మ్యాజిక్ ఇప్పుడు అంతగా క్లిక్ కావడం లేదు. ఎలాంటి సినిమా చేసిన కూడా బాక్స్ ఆఫీస్ వద్ద దారుణంగా డిజాస్టర్ అవుతున్నాయి. పూరి జగన్నాథ్ రామ్ కాంబినేషన్ లో వచ్చిన ఇస్మార్ట్ శంకర్ సినిమాతోనే మణిశర్మ మళ్ళీ ఫామ్ లోకి వచ్చిన విషయం తెలిసిందే.

అయితే ఆ తర్వాత కూడా ఆయన 13 సినిమాలకు మ్యూజిక్ చేసే అవకాశాన్ని అందుకున్నాడు. కానీ అందులో ఏది కూడా కనీసం యావరేజ్ గా కూడా సక్సెస్ కాలేదు. అంతే కాకుండా మణిశర్మ మ్యూజిక్ కూడా ఆ సినిమాలకు పెద్దగా హెల్ప్ కాలేదు. ఆచార్య సినిమాకు పరవాలేదు అనిపించినప్పటికి ఆ సినిమా దారుణంగా డిజాస్టర్ అయిన విషయం తెలిసిందే.

అయితే తనను ఫామ్ లోకి తీసుకువచ్చిన పూరి జగన్నాథ్, రామ్ కాంబినేషన్ ని మణిశర్మ మరోసారి నమ్ముకున్నారు. వీరి కలయికలో రానున్న డబుల్ ఇస్మార్ట్ కు మ్యూజిక్ డైరెక్టర్ గా మణిశర్మ ఫిక్స్ అయినట్లు అధికారికంగా క్లారిటీ ఇచ్చేశారు. ప్రస్తుతం ముంబై లో షూటింగ్ కొనసాగుతోంది. ఇంతకుముందు మణిశర్మ పూరి కాంబినేషన్లో వచ్చిన పోకిరి చిరుత వంటి సినిమాలు ఎలాంటి ఫలితం అందుకున్నాయో ప్రత్యేకంగా చెప్పనవసరం లేదు.

ఇక మళ్ళీ ఇంతకాలం తరువాత పూరి జగన్నాథ్ తో సినిమా చేస్తూ ఉండడంతో ఈ కాంబినేషన్ కు పాజిటివ్ వైబ్రేషన్స్ క్రియేట్ చేస్తోంది. పూరి జగన్నాథ్ కూడా మళ్లీ ఇస్మార్ట్ ఫార్ములాతో బౌన్స్ బ్యాక్ బ్యాక్ అవ్వాలి అనుకుంటున్నాడు ఇక ఈ సినిమాలో బాలీవుడ్ ప్రముఖ స్టార్ నటుడు సంజయ్ దత్ ఒక ముఖ్యమైన పాత్రలో కనిపిస్తున్నాడు.