హీరోగా అనిరుధ్.. క్రేజీ కాంబో

కోలీవుడ్ మ్యూజిక్ సెన్సేషన్ అనిరుద్ రవిచంద్రన్ ప్రస్తుతం తమిళంలో పాన్ ఇండియా మూవీస్ చేస్తూ స్టార్ సంగీత దర్శకుడిగా దూసుకుపోతున్నాడు. తమిళంలో పెద్ద సినిమాలన్నింటికి అతనే మ్యూజిక్ అందిస్తూ ఉన్నాడు. అలాగే ఇప్పుడు తెలుగులో కూడా మెల్లగా బిజీ అవుతున్నాడు. ఎన్టీఆర్ దేవర చిత్రానికి అనిరుద్ మ్యూజిక్ ఇస్తున్నారు. అలాగే VD 12కి కూడా అతనే మ్యూజిక్ డైరెక్టర్.

వివేక్ ఆత్రేయ, నాని సినిమా కోసం అనిరుద్ ని సంప్రదిస్తున్నారంట. ప్రస్తుతం ఆయన నుంచి లోకేష్ కనగరాజ్ దర్శకత్వంలో సిద్ధమవుతోన్న లియో మూవీ రిలీజ్ కి కాబోతోంది. ఇప్పటికే జైలర్, జవాన్ సినిమాలతో రెండు బ్లాక్ బస్టర్ హిట్స్ ని ఖాతాలో వేసుకున్నారు. లియోపైన కూడా భారీ అంచనాలు నెలకొని ఉన్నాయి.

కోలీవుడ్ లో మ్యూజిక్ డైరెక్టర్ జీవీ ప్రకాష్ కుమార్ ఇప్పటికే హీరోగా ఎంట్రీ ఇచ్చి తనకంటూ ప్రత్యేకమైన గుర్తింపు సొంతం చేసుకున్నారు. విజయ్ అంటోనీ కూడా స్టార్ మ్యూజిక్ డైరెక్టర్ అయిన తర్వాత హీరోగా సిల్వర్ స్క్రీన్ పై కనిపించడం స్టార్ట్ చేశారు. ఇప్పుడు ఇదే దారిలో అనిరుద్ రవిచంద్రన్ కూడా వెళ్తున్నట్లు కనిపిస్తోంది.

తాజాగా లోకేష్ కనగరాజ్ అందించిన కథతో హీరోగా ఎంట్రీ ఇవ్వడానికి అనిరుద్ ఒకే చెప్పాడంట. స్టంట్ కొరియోగ్రఫర్స్ గా తనకంటూ ప్రత్యేకమైన ఇమేజ్ క్రియేట్ చేసుకున్న అన్బరివ్ ద్వయం ఈ చిత్రంతో డైరెక్షన్ వైపు రాబోతున్నారు.ప్రస్తుతం తెలుగు, తమిళ్ భాషలలో తెరకెక్కుతోన్న భారీ ప్రాజెక్ట్స్ అన్నింటికి వీరే యాక్షన్ డైరెక్టర్స్ గా ఉన్నారు.

కల్కి, సలార్ చిత్రాలకి వీరే వర్క్ చేస్తున్నారు. ఇప్పుడు తమిళంలో దర్శకులుగా వీరిద్దరూ ఎంట్రీ ఇవ్వడానికి సిద్ధం అయ్యారు. లోకేష్ కనగరాజ్ కూడా ఈ చిత్రంలో ఓ ఇంటరెస్టింగ్ రోల్ లో కనిపిస్తాడంట. ప్రస్తుతం లోకేష్, విజయ్ కాంబోలో వస్తోన్న లియో చిత్రానికి యాక్షన్ డైరెక్టర్స్ గా వీరిద్దరూ వర్క్ చేశారు. అదే లోకేష్ కనగరాజ్ అందిస్తోన్న కథతో దర్శకులిగా మారబోతున్నారు. అయితే దర్శకత్వంలో వచ్చిన యాక్షన్ కొరియోగ్రఫర్స్ ఇప్పటి వరకు సక్సెస్ లు అందుకోలేదు. ఒక్క శివ మాత్రమే కోలీవుడ్ లో స్టార్ డైరెక్టర్ గా మారాడు.