'గుంటూరు కారం'.. కాన్ఫిడెన్స్ ఇచ్చేశారు

నిర్మాత నాగ వంశీ ఈ మధ్య కాలంలో బాగా వినిపిస్తున్న పేరు. తన ఓవర్ కాన్ఫిడెన్స్​ అండ్ సెటైరికల్​ కామెంట్స్​తో నెట్టింట ట్రోల్స్​కు గురవ్వడంతో పాటు చర్చనీయాంశమవుతుంటారు. అయితే రీసెంట్​గా ఆయన నిర్మించిన యూత్​ ఫుల్​ కాలేజ్ ఎంటర్​టైనర్​ స్టోరీ 'మ్యాడ్​' విడుదలై ఆడియెన్స్​ను బాగా ఆకట్టుకుంది. బాక్సాఫీస్ వద్ద మంచి వసూళ్లను అందుకుంటోంది.

ఈ సినిమా విషయంలో నాగ వంశీ ఆ మధ్య ఛాలెంజ్​ చేస్తూ మాట్లాడిన సంగతి తెలిసిందే. ఈ సినిమా కచ్చితంగా జాతిరత్నాలను మించి నవ్వులు పూయిస్తుందని, లేదంటే టికెట్ డబ్బులు వాపసు ఇస్తానని ఛాలెంజ్ కూడా చేశారు. అంత ఓవర్ కాన్ఫిడెన్స్​గా మాట్లాడారు. అయితే అప్పుడు ఆయన ఎంత బలంగా మాట్లాడారో ఇప్పుడు సినిమా కూడా అంతే బలంగా హిట్ అయింది.

ఆయన ఓవర్​ కాన్ఫిడెన్స్​ కామెంట్స్ నిజమయ్యాయి. మ్యాడ్ సినిమా చూసిన ప్రేక్షకులు బాగా నవ్వుకుంటున్నారు. దీంతో ఇప్పుడు అందరి చర్చ గుంటురు కారం మూవీపై మొదలైంది. ఎందుకుంటే ఈ సినిమాకు నాగ వంశీనే నిర్మాతగా వ్యవహరిస్తున్నారు. రీసెంట్​గా ఈ సినిమాకు సంబంధించి పలు ఇంటర్వ్యూలో పాల్గొని కాన్ఫిడెంట్​గానే హైప్​ స్టేట్మెంట్స్​ ఇస్తున్నారు నాగవంశీ.

సినిమా కచ్చితంగా హిట్​ అవుతుందని బల్ల గుద్ది చెబుతున్నారు. వాస్తవానికి గుంటూరు కారం సినిమా మొదటి నుంచి ఇలాగే హైప్​ ఇస్తూ మాట్లాడుతున్నారు. నాన్ రాజమౌళి సినిమా కలెక్షన్స్ రికార్డుల్లో గుంటూరు కారం మొదటి ప్లేస్ దక్కించుకుంటుందని ధీమా కూడా వ్యక్తం చేశారు. సినిమా మంచి క్వాలిటీ ఔట్​ ఫుట్​తో వస్తుందని అంటున్నారు. కానీ నాగవంశీ ఎంత చెబుతున్నా.. సినిమా ఆలస్యమవుతూ బోలెడన్నీ కష్టాలను ఎదుర్కోవడంతో.. సినిమాపై అభిమానుల్లో కాస్త డౌట్​ నెలకొంది.

కానీ ఇప్పుడు అది తీరిపోయింది. ఎందుకంటే మ్యాడ్​ సినిమా విషయంలో నాగవంశీ చేసిన కామెంట్స్​ నిజమయ్యాయి. దీంతో గుంటూరు కారం గురించి ఆయన ఇస్తున్న హైప్ స్టేట్మెంట్స్ కి మరింత క్రెడిబులిటీ వచ్చింది. గుంటూరు కారం సినిమా కూడా అద్భుతంగా ఉంటుందని ఆశిస్తున్నారు.