అనుష్కతో కెమిస్ట్రీ.. నవీన్ పొలిశెట్టి ఏమన్నాడంటే..

నవీన్ పొలిశెట్టి, అనుష్క శెట్టి జంటగా నటిస్తున్న చిత్రం మిస్ శెట్టి, మిస్టర్ పొలిశెట్టి. చాలా కాలం తర్వాత అనుష్క నటిస్తున్న సినిమా కావడంతో, అందరికీ ఆసక్తి నెలకొంది. అది కూడా నవీన్ లాంటి యంగ్ యాక్టర్ తో ఆమె నటిస్తుండటంతో, సినిమా ఎలా ఉంటుంది అనే క్యూరియాసిటీ ఏర్పడింది. అయితే, ఈ మూవీ ఎప్పుడో పూర్తయ్యింది. నిజానికి ఎప్పుడో విడుదల కావాల్సిన సినిమా ఇది.

ఇప్పటికే దాదాపు, మూడు నాలుగు సార్లు వాయిదా పడింది. చివరకు ఈ మూవీ అఫీషియల్ డేట్ ని ఫిక్స్ చేశారు. తాజాగా ఈ మూవీ ట్రైలర్ విడుదల చేశారు. ట్రైలర్ చూశాక కాస్త మూవీ స్టోరీ పై ఓ క్లారిటీ వచ్చింది. అనుష్క క్యారెక్టర్ చాలా టఫ్ క్యారెక్టర్ అని అర్థమౌతోంది. హ్యూమన్ రిలేషన్స్ పై ఈ సినిమా సాగుతుంది. పిల్లలను కనడానికి పెళ్లితో పనేలేదు అనే అమ్మాయితో ఓ స్టాండప్ కెమడియన్ గా జీవితం సాగిస్తున్న ఓ యువకుడు కి ఎలాంటి సమస్యలు వచ్చాయి? వారి బంధం ఎలా సాగింది అనేదే ఈ కథ.

కాగా, ఈ మూవీ కారణంగా నవీన్, స్క్రీన్ కి దూరమై మూడేళ్లు అవుతోంది. ఈ విషయంపై నవీన్ పొలిశెట్టి స్పందించాడు. మానవ సంబంధాలపై డైరెక్టర్ మహేష్ చాలా మంచి కథ రాసుకున్నాడన్నారు. జాతిరత్నాలు మూవీ తర్వాత ఎలాంటి సినిమా చేయాలనే ఒత్తిడి తనపై ఉందని, ఆ సమయంలో నే మహేష్ చెప్పిన కథ తనకు బాగా నచ్చిందని, అందుకే వెంటనే ఈ సినిమాకి అంగీకరించినట్లు చెప్పారు.

ఇలాంటి కథ తో తాను ప్రేక్షకుల ముందుకు రావడం కరెక్ట్ అనే భావన కలిగిందని చెప్పారు. ఈ సినిమా కచ్చితంగా ప్రేక్షకులకు నచ్చుతుందని నవీన్ పొలిశెట్టి చాలా కాన్ఫిడెంట్ గా చెప్పారు.

ఇప్పటి వరకు తెలుగులో పూర్తిస్థాయి స్టాండప్ కమెడియన్ సినిమా రాలేదని, తమ సినిమాలో రియల్ స్టాండప్ కామెడీ షోలు చేసి, రియల్ ప్రేక్షకులతో ఈ సీన్లు చేశామని చెప్పారు. రొమాంటిక్ కామెడీతో పోలిస్తే, ఇది భిన్నంగా ఉంటుందన్నారు. ఇక అనుష్కతో కలిసి నటించడం తనకు చాలా సంతోషంగా ఉందన్నారు.

అనుష్క తో తన పాత్ర కెమిస్ట్రీ చాలా బాగా వర్కౌట్ అవుతుందని, దాదాపు రెండేళ్లు తామిద్దరం ఈ ప్రాజెక్ట్ కోసం కలిసి పనిచేశామని చెప్పారు. డిఫరెంట్ కథలను ప్రేక్షకులు తప్పక ఆదరిస్తారనే నమ్మకంతోనే ఈ కథని ఎంచుకున్నట్లు చెప్పారు. సెప్టెంబర్ 7వ తేదీన ఈ సినిమా ప్రేక్షకుల ముందుకు రానుంది. ప్ర‌ముఖ నిర్మాణ యువీ క్రియేష‌న్స్ బ్యాన‌ర్‌పై మ‌హేష్ బాబు.పి ద‌ర్శ‌క‌త్వంలో వంశీ, ప్ర‌మోద్ నిర్మిస్తున్నారు.