మెగా నిహారిక.. ఇంకోటా?

మెగా డాటర్ నిహారిక యాంకర్ గా కెరియర్ స్టార్ట్ చేసి తరువాత యాక్టర్ గా పరిచయం అయ్యింది. నిర్మాతగా కూడా మారి ముందుగా యుట్యూబ్ లో వెబ్ సిరీస్ లు నిర్మించింది. ఒక మనసు సినిమాతో హీరోయిన్ గా నిహారిక కొనెదల టాలీవుడ్ లోకి అడుగుపెట్టింది. ఇప్పటి వరకు హీరోయిన్ గా ఐదు సినిమాల వరకు చేసింది. అయితే ఏ ఒక్కటి ఆమెకి సక్సెస్ ఇవ్వలేదు. దీంతో హీరోయిన్ పాత్రలని పక్కన పెట్టి నిర్మాతగా బిజీ అయ్యే ప్రయత్నాలు చేస్తోంది.

ఇప్పటికే ఓటీటీలోకి అడుగుపెట్టి వెబ్ సిరీస్ కూడా చేస్తోంది. ఒక చిన్న ఫ్యామిలీ స్టొరీ, హలో వరల్డ్, డెడ్ ఫిక్సల్స్ వెబ్ సిరీస్ లు చేసింది. ఇప్పుడు సినిమా నిర్మాణంలోకి అడుగుపెట్టడానికి రెడీ అవుతోంది. అయితే మొదటి ప్రయత్నంలో ఏదో పెద్ద సినిమా చేసేయాలనే ఆలోచన లేకుండా లోబడ్జెట్ తో అందరూ కొత్తవాళ్లతో మూవీ ప్లాన్ చేస్తున్నట్లు తెలుస్తోంది. మెగాస్టార్ తనయ సుస్మిత ఇప్పటికే నిర్మాతగా రెండు సినిమాలు చేసింది. అయితే అవి ఆశించిన స్థాయిలో సక్సెస్ కాలేదు.

ఇప్పుడు నిహారిక కూడా నిర్మాతగా బిగ్ స్క్రీన్ పై తన అదృష్టాన్ని పరీక్షించుకునే పనిలో పడింది. క్యాస్టింగ్ తో పాటు టెక్నిషియన్స్ అందరూ కొత్తవాళ్లతోనే ఈ మూవీ ఉండబోతోందని టాక్ వినిపిస్తోంది. యుట్యూబ్ లో ఇన్ ఫ్ల్యూయెన్సర్స్ గా ఉన్నవారు నిహారిక సినిమాతో ఆర్టిస్ట్స్ గా బిగ్ స్క్రీన్ పైకి అడుగుపెట్టే అవకాశం ఉందంట. త్వరలో దీనికి సంబందించిన అఫీషియల్ ఎనౌన్స్ మెంట్ వచ్చే ఛాన్స్ ఉందని ఇండస్ట్రీ వర్గాలలో చర్చ నడుస్తోంది.

నిహారిక నిర్మాతగా చేస్తోన్న వెబ్ సిరీస్ లలో తాను కూడా అవసరాన్ని బట్టి కీలక పాత్రలలో నటిస్తోంది. డెడ్ ఫిక్సల్స్ వెబ్ సిరీస్ లో ఆమె నటించింది. మరి నిర్మాతగా చేస్తోన్న సినిమాలో ఆమె నటించనుందా లేదా అనేది మాత్రం ప్రస్తుతానికి క్లారిటీ లేదు. మెగా ఫ్యామిలీలో సుస్మితకి నిర్మాతగా దక్కని సక్సెస్ నిహారికకి అయిన వస్తుందా లేదా అనేది చూడాలి.

ఒక వేళ నిర్మాతగా సక్సెస్ అందుకుంటే మాత్రం మరిన్ని డిఫరెంట్ కంటెంట్ తో కొత్త కథలని, టాలెంట్ ని ఆమె పరిచయం చేసే అవకాశం ఉంటుంది. నిహారిక సినిమాకి సంబందించిన ప్రకటన ఎప్పుడు వస్తుందనేది కూడా అంతటా ఆసక్తికరంగా మారింది.